Jaarteks vir 2011

‘Soek toevlug by die naam van Jehovah.’—SEFANJA 3:12.

Die Bybel sê dat “die hele skepping tot nou toe voortdurend saam kreun en saam pyn ly” (Rom. 8:22). Hierdie geïnspireerde woorde kan nie betwis word nie. Miljoene mense is slagoffers van ongeregtigheid, onderdrukking, natuurrampe, siekte, armoede, oorloë en misdaad. As dienaars van Jehovah is ons nie immuun teen enige van hierdie dinge nie. Daarbenewens word ons verag, gehaat en vervolg, net soos met Jesus die geval was.

Maar ondanks die probleme in Satan se wêreld, raak ons nie moedeloos nie. Ons verheug ons eerder in die wete dat Jehovah binnekort ’n einde sal maak aan al die lyding op die aarde. Ons hoop, ons vertroue, is op ons God. Ja, ons soek toevlug by Jehovah, wat nooit sy lojales teleurstel nie.