Ek wou ophou om God te dien

EK HET in ’n baie godsdienstige Katolieke gesin grootgeword wat wou hê dat ek ’n priester moes word. Toe ek 12 jaar oud was, het ek dus drie kursusse gedoen wat deur verskillende priesters aangebied is. In 1990, toe ek 14 was, is ek na een van die beste kweekskole in die land genooi.

Ek het vinnig vordering gemaak, en daar is vir my gesê dat ek ’n biskop kan word as ek my bly inspan. Maar ek het ontnugter geraak. In plaas daarvan om die Bybel te bestudeer, het ons mensefilosofieë bestudeer. Die priesters was ook baie onsedelik. Toe ek ’n teiken van hulle seksuele teistering geword het, wou ek ophou om God te dien.

Op daardie stadium het ’n sendelingegpaar die rekenmeester van die kweekskool besoek en vir hom die boek Vrae wat jongmense vra—Antwoorde wat werk gegee. Ek het dit geleen en dit van voor tot agter gelees. Ek het gedink: ‘Dit is waarna ek soek.’ Ek het die kweekskool verlaat, saam met die Getuies begin studeer en vergaderinge begin bywoon. Agt maande later, in Julie 1991, is ek gedoop. Ek het ’n gewone pionier geword en het later met María, ’n pioniersuster, getrou. Sedert 2006 dien ons as spesiale pioniers. In plaas daarvan om op te hou om God te dien, geniet ek dit nou om mense wat na die waarheid honger, te help om sy ware aanbidders te word.