Omgewingsprobleme – Wat God se Koninkryk sal doen

Die ernstige probleme met die klimaat is besig om baie stres vir mense, stede en ekosisteme te veroorsaak. Kragtige storms, wat selfs sterker word as gevolg van klimaatsverandering, vernietig huise en die vermoë van mense regoor die wêreld om ’n bestaan te maak. Die ekosisteme in die oseane word al hoe warmer wat daartoe sal lei dat baie van die spesies nie sal oorleef nie. – Inger Andersen, ondersekretaris-generaal van die Verenigde Nasies en die uitvoerende direkteur van die VN se Omgewingsprogram, 25 Julie 2023.

Sal regerings saam kan werk om hierdie probleme wat die hele aarde raak op te los? Kan hulle regtig hierdie probleme oplos?

Die Bybel praat van ’n regering wat die hele aarde se omgewingsprobleme kan en sal oplos. Dit sê dat “die God van die hemel ’n koninkryk [sal] oprig”, ’n regering wat oor die aarde sal regeer en alle probleme sal oplos (Daniël 2:44). Onder daardie regering sal mense “niks slegs doen of enige skade aanrig” aan mekaar of die aarde nie. – Jesaja 11:9.