Wie sal die onskuldige mense red? – Wat sê die Bybel?

’n Verslag deur die Verenigde Nasies sê:

• Vanaf 7 Oktober tot 23 Oktober 2023 het die Gasa-Israel-konflik tot die dood van meer as 6 400 mense gelei en was 15 200 beseer, waarvan die meeste onskuldige mense was. En honderdduisende moes hulle huise verlaat.

• Tot en met 24 September 2023 het die oorlog tussen Rusland en Oekraïne tot die dood van 9 701 onskuldige mense gelei en was 17 748 beseer in Oekraïne.

Watter hoop gee die Bybel dié wat swaarkry as gevolg van oorlog?

’n Rede vir hoop

Die Bybel voorspel dat God “regoor die aarde ’n einde aan oorloë” sal maak (Psalm 46:9). Hy sal ’n hemelse regering, of koninkryk, gebruik om alle menseregerings te vervang (Daniël 2:44). God se Koninkryk sal verligting vir mense bring.

Kyk wat Jesus Christus, die Koning van God se Koninkryk, sal doen:

• “Hy sal die arme red wat om hulp roep, en ook enigiemand wat geen helper het nie. Hy sal jammer voel vir die hulpelose en die arme, en hy sal die lewens van die armes red. Van onderdrukking en van geweld sal hy hulle red.” – Psalm 72:12-14.

Deur middel van sy Koninkryk sal God al die slegte gevolge en swaarkry wat deur oorlog en geweld veroorsaak word, wegneem.

• “God sal elke traan van hulle oë afvee, en die dood sal nie meer daar wees nie. Daar sal geen getreur, geen gehuil en geen pyn meer wees nie. Die vorige dinge is verby.” – Openbaring 21:4.

God se Koninkryk sal binnekort groot veranderinge op die aarde maak. Die Bybel het die “oorloë en berigte van oorloë” wat ons vandag sien, voorspel (Matteus 24:6). Hierdie en ander gebeure wys dat ons in “die laaste dae” van menseregerings lewe. – 2 Timoteus 3:1.