Jesus sal ’n einde aan oorlog maak

Terwyl Jesus op aarde was, het hy gewys dat hy mense baie liefhet. Hy het hulle so liefgehad dat hy selfs sy lewe vir hulle opgeoffer het (Matteus 20:28; Johannes 15:13). Binnekort sal hy weer sy liefde vir mense bewys deur sy gesag as Koning van God se Koninkryk te gebruik om “regoor die aarde ’n einde aan oorloë [te maak]”. – Psalm 46:9.

Kyk hoe die Bybel beskryf wat Jesus sal doen:

• “Hy sal die arme red wat om hulp roep, en ook enigiemand wat geen helper het nie. Hy sal jammer voel vir die hulpelose en die arme, en hy sal die lewens van die armes red. Van onderdrukking en van geweld sal hy hulle red.” – Psalm 72:12-14.

Hoe kan ons ons waardering wys vir alles wat Jesus alreeds vir ons gedoen het en nog vir ons sal doen? Een manier is om meer te leer oor “die goeie nuus van die Koninkryk van God”, wat die boodskap was wat hy verkondig het (Lukas 4:43). Lees die artikel “Wat is die Koninkryk van God?”