Veg teen eensaamheid met vriendskap – Hoe die Bybel kan help

Die geveg teen eensaamheid het in 2023 wêreldwyd ’n prioriteit vir gesondheidskenners geword. Kan hierdie geveg gewen word?

• Dr. Vivek Murthy, die Amerikaanse geneesheer-generaal, sê dat wanneer ons eensaam voel en van ander mense afgesonder word, ons ons gesondheid en geluk ernstig kan benadeel. Maar hy sê ook dat ons iets hieroor kan doen. Wat kan ons doen? Ons kan elke dag klein dingetjies doen om ons verhoudings met ander te versterk.a

Ons voel nie net eensaam wanneer ons alleen is nie. Party voel eensaam selfs wanneer hulle deur baie mense omring is. Maar wat die rede vir ons eensaamheid ook al is, die Bybel kan ons help. Dit bevat praktiese raad wat ons kan help om teen eensaamheid te veg deur ons vriendskappe te versterk.

Raad in die Bybel wat kan help

Kommunikeer beter met ander. Dit beteken nie net dat ons ander moet vertel hoe ons voel nie, maar dat ons ook mooi moet luister wanneer hulle ons vertel hoe hulle voel. Hoe meer jy wys dat jy in ander belangstel, hoe sterker sal jou verhoudings word.

• Bybelwaarheid: “[Moenie] net aan julle eie belange dink nie, maar ook aan die belange van ander.” – Filippense 2:4.

Maak jou vriendekring groter. Wees bereid om vriende te maak met mense wat ouer of jonger as jy is of wat ’n ander kultuur, agtergrond of nasionaliteit het.

• Bybelwaarheid: “Maak julle harte wyd oop.” – 2 Korintiërs 6:13.

Vir meer inligting oor hoe om sterk vriendskappe met ander op te bou, lees die artikel “Ons begeerte na vriendskap kan bevredig word”.