Toon intense liefde uit die hart

1. Liefde uit die hart is opreg,

lei tot geneentheid, rein en eg,

En meegevoel vir elke kneg

van onse God daar bo.

As ons ware liefde betoon,

volg ons voortdurend Gods patroon.

Dan sal sy goedheid in ons woon;

en ons behaag God so.

Liefde blyk uit woord en daad,

en behoeftiges vind daarby baat.

Goedheid van die hoogste graad

sal ons aan ons naaste toon.

Ons betoon ook eer en respek,

al is ons broers ook nie perfek;

So word ons na mekaar getrek.

En ons God sal ons beloon

as ons ware liefde toon.

2. Is ons liefde rein en intens,

toon ons geduld met elke mens

En stry ons hard teen die tendens

om niemand te vertrou.

Almal is lojaal aan mekaar

waar ons met vreugde bly vergaar.

En ware vriendskap vind ons daar,

wat nimmer sal verflou.

Dag vir dag skiet ons te kort;

soos swaardsteke kan ons woorde word.

As ons ons met liefde gord,

maak dit God, ons Vader, bly.

Omdat ons Jehovah dan vrees,

sal ons steeds ware vriende wees.

Ons kweek die vrug van God se gees.

So sal ons sy guns verkry,

altyd naby aan hom bly.