Rooster vir Teokratiese Bedieningskool te volg pleks van dié op die kalender.

● Bethel het ’n gekwalifiseerde verpleegster nodig. Skryf asseblief aan die Genootskap en vra om ’n Bethelaansoekvorm.

● Nuwe publikasies beskikbaar:

Die Bybel—God se woord of die mens s’n?—Spaans

Vraebus

● Waarom is dit belangrik om twee boeke deeglik met nuwe dissipels te studeer selfs as hulle gedoop word voordat hulle met die tweede boek klaar is?

Jehovah seën sy organisasie met baie nuwelinge wat na die gemeentes stroom. Ons is verheug om hierdie groot insameling te sien. Maar ons besef dat hierdie skaapgeaardes voortdurend hulp en leiding nodig het om Jehovah te leer dien.

Nuwelinge het hulp nodig om tot ’n juiste kennis van die waarheid te kom (Kol. 1:9, 10, NW). Ons het die voorreg om hulle te help om ’n goeie begrip te kry van basiese Bybelleerstellings, sowel as van wat die Bybel aangaande morele standaarde, die Christelike leefwyse en verwante sake leer. Dit sal hulle help om in die waarheid gevestig te raak sodat hulle enige toetse wat moontlik voorlê te bowe kan kom.

Studente moet ook in hulle denke volwasse word (1 Kor. 14:20, NAV). Die ondervinding het geleer dat ’n persoonlike Bybelstudie saam met ’n onderrigter nuttig is om die statuur van ’n geestelike volwassene te bereik. Al word iemand gedoop voordat hy twee boeke klaar gestudeer het, is dit dus verstandig dat hy met sy tuisbybelstudie moet voortgaan totdat hy albei boeke voltooi het.

NA HY GEDOOP IS

Jesus het gesê ons moet dissipels maak en hulle doop en leer (Matt. 28:19). ’n Groot deel van die dissipels se onderrig vind ná die doop plaas. Die kennis wat ’n persoon uit net een boek kan verwerf, is gewoonlik nie genoeg geestelike opleiding nie. Bykomende opleiding is nodig om hom vir die bedieningswerk toe te rus en hom in staat te stel om die druk te weerstaan wat oor diegene kom wat Jehovah in hierdie laaste dae dien. As ons nie voldoende opleiding voorsien nie, kan dit die student geestelik onvoorbereid laat om op sy eie te staan. Na ’n nuweling gedoop is, gaan ons voort om hom te help om verdere vooruitgang te maak, hetsy hy twee boeke klaar gestudeer het of nie. Die eerste publikasie wat bestudeer word, help hom om die grondbeginsels te verstaan. Die tweede publikasie dek Christelike eienskappe. Hierdie publikasies kan die Paradys op aarde-boek en dan die Verenig in aanbidding- of die Ware vrede-boek wees. As hierdie boeke nie beskikbaar is nie, kan ander met soortgelyke informasie gebruik word. As ons met die Bybelstudie voortgaan totdat die tweede boek klaar is, ontvang die student ’n deeglike opleiding wat Jehovah se voornemens sowel as sy hoë Christelike standaarde en vereistes betref. Dit help die nuweling om die betekenis van Christelike beginsels te verstaan en stewig in die geloof gewortel te word (Kol. 2:7). Sien die Vraebus in Ons Koninkryksbediening vir November 1987 vir verdere besonderhede en informasie oor hoe sulke studies gerapporteer moet word.

Na die doop word daar natuurlik verwag dat nuwelinge geestelik vooruitgang sal maak (Hebr. 6:1-3). In die meeste gevalle duur dit nie lank voor die tweede boek voltooi is nie. Die nuweling word sodoende van ’n vaste fondament voorsien.

Bied die goeie nuus aan—Op vakansiedae

¹ Hoewel baie vieringe wat met Kersfees en Nuwejaar verband hou ’n heidense oorsprong het, vier meer as ’n miljard voorgewende Christene elke jaar hierdie vakansiedae. Baie mense glo opreg dat God hierdie vieringe goedkeur. Hoe kan ons gedurende die vakansieseisoen die harte van sulke mense met die goeie nuus bereik?

WEES BEDAGSAAM EN BELEEF

² Die ouere manne tref spesiale reëlings vir getuieniswerk op vakansiedae, aangesien baie van ons dan nie werk nie. Die tyd om van huis tot huis te begin werk, moet aangepas word ter wille van daardie huisbewoners wat op hierdie dae dalk later as gewoonlik slaap.

³ Terwyl ons aan die bediening deelneem, sal ons waarskynlik ’n aantal mense vind wat taamlik besig is omdat hulle besoekers het en vir ete voorberei. Aangesien ons besef dat dit ’n spesiale tyd vir hulle is, kan ons beleef ons kommentare kort en saaklik maak. Ons Christelike beleefdheid kan die weg baan vir ’n verdere getuienis in die toekoms.

⁴ Ons neem nie aan wêreldse godsdiensvieringe deel nie, en ons wens mekaar nie die tradisionele feesgroete toe nie. Gevolglik moet ons taktvol op sulke groete reageer. Dit is nie nodig om ’n geskilpunt van die groete te maak nie, maar in die meeste gevalle kan ons die huisbewoner eenvoudig bedank vir sy beste wense. As mense ons oor ons geloof uitvra, kan ons hulle verseker dat ons Christus Jesus eer, aangesien dit vereis word van diegene wat God eer (Joh. 5:23). Maar baie vakansiegebruike strek nie Christus of God tot eer nie. As mense op daardie tydstip of later meer informasie wil hê, kan ons die materiaal in die Redenering-boek op bladsye 400-2 en 404 met hulle bespreek.

INLEIDINGS

⁵ Aangesien die Kersvakansie godsdienstig van aard is, vind ons dalk baie mense wat meer geneig is om dan oor God te praat as op enige ander tyd van die jaar. Ons kan hierdie feit in ons inleiding benut. Ons kan byvoorbeeld sê: “Miljoene mense oor die hele wêreld heen vier Kersfees en Nuwejaarsdag. Dink jy dat hierdie feesvieringe mense nader aan God bring?” Of die huisbewoner nou dink dat die vieringe goed of sleg is, kan ons hom vir sy kommentaar bedank en sê: “Baie mense wens hulle het ’n beter verhouding met God gehad, en hulle dink moontlik dat God ’n bietjie ver van hulle af is. Dink jy dat God werklik vir ons en die planeet aarde omgee?” Gaan dan voort met die ‘Onderwerp vir gesprekke’.

⁶ Ons kan hulle op ’n ander manier benader en sê: “Gedurende die Kerstyd hoor ons dikwels dat mense die hoop uitspreek dat daar vrede op aarde en in die mense ’n welbehae sal wees. Dink jy dat God in ons tyd vrede op die aarde sal bring?” Daarna kan ons toon dat Jesus Christus die voorspelde “Vredevors” is (Jes. 9:5, 6). As die aangestelde Heerser in God se regering, sal Christus binnekort optree om ewige vrede op die aarde te bewerkstellig.—Dan. 2:44; Openb. 21:3-5.

⁷ Hoewel die meeste mense onverskillig staan teenoor die Koninkryksboodskap en behae skep in hulle valse godsdiensvakansiedae, sal Jehovah ongetwyfeld ons pogings seën om mense wat na die waarheid soek te vind, want hy “soek ook sulke mense om hom te aanbid”, en hy sal hulle na sy organisasie rig.—Joh. 4:23, 24, NW.

Teokratiese nuus

◆ Alaska het in Julie ’n hoogtepunt van 2053 verkondigers bereik, ’n vermeerdering van 12 persent vergeleke met verlede jaar se gemiddelde. In Julie was daar ’n hoogtepunt van 2929 by die “Suiwer Taal”-Streekbyeenkoms, en 50 is gedoop.

◆ Brasilië het in Julie ’n hoogtepunt van 293 466 verkondigers bereik. Dit is hulle negende hoogtepunt vir die diensjaar. ’n Hoogtepunt van 369 999 Bybelstudies is ook gerapporteer.

◆ Fidji het in Julie hulle 67ste agtereenvolgende verkondigerhoogtepunt gehad, met 1534 wat gerapporteer het. Bybelstudies het tot 2605 toegeneem.

◆ Frans-Guiana, in die noordelike deel van Suid-Amerika, het van September 1990 af ’n takkantoor van die Wagtoringgenootskap. Hulle het in Julie ’n hoogtepunt van 660 verkondigers gehad, en hulle streekbyeenkoms is deur 1479 bygewoon, en 41 is gedoop.

◆ Guadeloupe se vier streekbyeenkomste is deur 13 021 bygewoon, en 259 is gedoop. Hulle verkondigerhoogtepunt was 6233.

◆ Nieu-Caledonië het in Julie ’n hoogtepunt van 1134 verkondigers gehad, ’n vermeerdering van 12 persent.

◆ Papoea-Nieu-Guinee het in Julie hulle sesde agtereenvolgende verkondigerhoogtepunt gerapporteer, met 2471 wat aan die diens deelgeneem het. Dit is ’n vermeerdering van 18 persent.

◆ Tahiti het in Julie ’n vermeerdering van 17 persent gehad, met ’n hoogtepunt van 1133 verkondigers, wat hulle 33ste agtereenvolgende hoogtepunt is.

◆ Thailand het in Julie hulle sesde verkondigerhoogtepunt vir die diensjaar gehad, met 1142 wat gerapporteer het, ’n vermeerdering van 10 persent vergeleke met verlede jaar se gemiddelde.

◆ Vanuatu het in Julie ’n vermeerdering van 36 persent gehad, met ’n hoogtepunt van 140 verkondigers. Hulle het 360 studies gehou, wat ook ’n hoogtepunt is.

Diensrapport vir September

Aantal Hulp- Gew.

verk. pio. pio.

Botswana 518 13 27

Lesotho 1 491 90 159

Namibië 559 13 29

St. Helena (Aug.) 103 1 -

Swaziland 1 255 27 137

Suid-Afrika 47 757 1 787 3 596