Lied 31
Ywer vir Jehovah se huis
1. Vir Gods huis laat Christus Jesus
Ongekende ywer blyk.
Met ’n vuur in sy gebeente
Het hy vyande laat wyk.
Hy’t gekom as losprysoffer
En die mens van God te leer.
Vir sy God se reputasie
Het die ywer hom verteer.
2. Die apostels en dissipels
Toon ook ywer in die werk.
Met Jehovah God se bystand
Word gemeentes meer en sterk.
Niks het hulle ooit laat aarsel
Om van huis tot huis te leer
Dat Jehovah redding aanbied
Aan die een wat hom bekeer.
3. En vandag sien ons ’n skare
Met groot ywer vir hul God.
Niks en niemand kry hul onder
In ’n wêreld wat graag spot.
Dis hul God wat hul die krag gee
Om manmoedig voort te stry.
Dus spreek hul die evangelie
Immer yw’rig,immer bly.