Die gelukkigste mense op aarde
1 “Gelukkig is die volk wie se God Jehovah is!” (Ps. 144:15). Hierdie woorde beskryf Jehovah se Getuies as die gelukkigste mense op aarde. Daar is geen groter vreugde as die vreugde wat ons kry wanneer ons die enigste ware en lewende God, Jehovah, dien nie. Aangesien hy “die gelukkige God” is, weerspieël diegene wat hom aanbid, sy vreugde (1 Tim. 1:11). Wat is party aspekte van ons aanbidding wat daartoe bydra dat ons so gelukkig is?
2 Redes waarom ons gelukkig is: Jesus het ons verseker dat ons gelukkig sal wees as ons “bewus is van [ons] geestelike behoefte” (Matt. 5:3). As ons voortdurend die Bybel bestudeer en al ons Christelike vergaderinge bywoon, bevredig ons daardie behoefte. Toe ons die waarheid in God se Woord geleer het, is ons vrygemaak van valse godsdiensleringe en dwaalbegrippe (Joh. 8:32). Die Skrif het ons ook die beste lewenswyse geleer (Jes. 48:17). As gevolg daarvan geniet ons heilsame Christelike omgang in ons gelukkige gemeenskap van broers.—1 Tess. 2:19, 20; 1 Pet. 2:17.
3 Ons put groot tevredenheid daaruit as ons God se hoë sedelike standaarde gehoorsaam, want ons weet dat dit ons beskerm en Jehovah gelukkig maak (Spr. 27:11). ’n Koerantverslaggewer het berig: “Ondanks al hulle streng standaarde, lyk dit nie of Jehovah se Getuies ongelukkig is nie. Inteendeel, die jongmense sowel as die ouer [mense onder hulle] lyk buitengewoon gelukkig en goed gebalanseerd.” Hoe kan ons ander help om ook hierdie geluk te ervaar?
4 Help ander om geluk te vind: Die wêreld is vol ongelukkigheid, en mense het oor die algemeen ’n sombere uitkyk op die toekoms. Maar ons het ’n positiewe uitkyk, met die wete dat alle hartseer eendag iets van die verlede sal wees (Op. 21:3, 4). Ons neem derhalwe ywerig aan die bediening deel en soek na opregtes van hart met wie ons kan praat oor ons hoop en ons oortuigings in verband met Jehovah.—Eseg. 9:4.
5 ’n Pioniersuster het gesê: “Niks verskaf groter bevrediging as om mense te help om Jehovah en sy waarheid te leer ken nie.” Laat ons alles in ons vermoë doen om baie meer mense aan te moedig om ’n tuisbybelstudie te aanvaar. Om Jehovah te dien en van onsself te gee om ander te help om hom te dien, verskaf die grootste geluk.—Hand. 20:35.