Help hulle om ’n verdere getuienis te ontvang
1 Wanneer ons die goeie nuus verkondig, ontmoet ons dikwels mense wat nie in ons gebied woon nie of wat ’n ander taal praat, met inbegrip van gebaretaal. Ander met wie ons goeie Bybelbesprekings gehad het, trek dalk weg uit ons gebied. Hoe kan ons reël dat hierdie mense ’n verdere getuienis ontvang? Deur die “Volg asseblief op”-vorm (S-43) te gebruik.
2 Mense luister dikwels met groter aandag na die goeie nuus as dit in hulle moedertaal aangebied word (Hand. 22:1, 2). Wanneer ons hierdie mense ontmoet, moet ons goed gebruik maak van die nuwe hulpmiddel Good News for People of All Nations wat ons by ons onlangse streekbyeenkomste ontvang het. Wanneer ons iemand ontmoet wat ’n ander taal praat, moet ons dus in die meeste gevalle die vorm invul al toon hy nie belangstelling in die Koninkryksboodskap nie. Maar waar daar ’n redelike groot anderstalige bevolking is wat gereeld ’n getuienis ontvang, sal dit dalk nie nodig wees om die vorm in te vul tensy belangstelling getoon word nie.
3 Hoe om die vorm in te vul: Probeer taktvol die persoon se naam, adres en telefoonnommer kry. Skryf neer hoeveel belangstelling hy getoon het, wanneer ’n mens met hom in aanraking kan kom, watter lektuur by hom gelaat is of hy aangevra het en watter taal hy die beste verstaan. Nadat jy die vorm ingevul het, moet jy dit dadelik vir die gemeentelike sekretaris gee, wat dit na die gepaste gemeente of groep sal stuur.
4 Stuur die vorm aan: As die sekretaris nie weet watter gemeente of groep die vorm moet kry nie of hy nie die posadres het nie, kan hy die Gebiedsafdeling by die takkantoor skakel om die nodige inligting te kry. Dit is nie meer nodig om die stadsopsiener in te lig wanneer die vorm gestuur word nie.
5 Wanneer ’n gemeente of groep ’n ingevulde “Volg asseblief op”-vorm ontvang, moet hulle reëlings tref om die persoon dadelik te besoek. Terwyl ons ywerig ons deel doen, kan ons vol vertroue wees dat Jehovah die harte sal open van diegene wat “die regte gesindheid vir die ewige lewe . . . het”.—Hand. 13:48.