Lankmoedigheid

1. Ons Soewerein, Jehovah,

is yw’rig vir sy grote naam.

Sy diepste hartsbegeerte

is om dit rein te maak van blaam.

Deur tallose geslagte

toon hy deurentyd geduld.

Verdraagsaam teenoor almal

vergeef hy hulle skuld.

Ja, alle soorte mense

moet redding kry—dis God se wil.

Sy lydsaamheid en liefde

se oogmerk word dan so vervul.

2. Lankmoedigheid is nodig

om op die regte pad te bly.

Dit hou ons harte kalm,

van ongeduld en toorn vry.

Die goeie in ons naaste

sien dit altyd eerste raak,

Kan selfs in swaar beproewing

ons ewewig bewaak.

As Gods gees in sy dienaars

vrug voortbring, soos lankmoedigheid,

Sal ons sy voorbeeld navolg

en hom dien tot in ewigheid.