Gebruik dit by elke geleentheid
1. Waarvoor is die Waarheid-traktaat nuttig?
1 Die traktaat Die waarheid—Wil jy dit graag vind? is bedoel om ons te help om Bybelstudies te begin. Maar dit is ook ’n doeltreffende hulpmiddel wat ons kan gebruik om saadjies van waarheid te versprei (Pred. 11:6). Hier is ’n paar wenke om ons te help om goed daarvan gebruik te maak.
2. Hoe kan ons die traktaat gebruik om ’n gesprek te begin?
2 Om ’n gesprek te begin: Jy kan die traktaat vir die huisbewoner gee, sy aandag op die ses vrae op die voorblad vestig en vra: “Oor watter van hierdie vrae het jy al gewonder?” Nadat hy geantwoord het, kan jy bespreek wat die Bybel se antwoord op een van die huisbewoner se vrae is en een van die teksverwysings lees. Lees of gee ’n oorsig van die agterblad en bied die Leer Bybel-boek aan. Selfs as hy nie die boek aanvaar nie, het hy die traktaat ontvang, wat die waarheid in sy hart kan laat wortelskiet.—Matt. 13:23.
3. Wat kan ons doen as die huisbewoner besig is?
3 As die huisbewoner besig is: Jy kan sê: “Aangesien dit ’n ongeleë tyd is, wil ek graag hierdie traktaat vir jou gee. Dit bespreek ses basiese vrae waaroor die meeste van ons al gewonder het en voorsien ’n duidelike antwoord uit die Bybel. Laat my weet wat jy daarvan dink wanneer ek jou volgende keer sien.”
4. Wat kan ons sê wanneer ons die traktaat tydens straatwerk aanbied?
4 Wanneer ons straatwerk doen: Jy kan sê: “Hallo. Het jy al ooit oor enige van hierdie vrae gewonder? [Wag vir ’n antwoord.] Hierdie traktaat voorsien die duidelike, bevredigende antwoorde wat in die Bybel gevind word.” As die persoon nie haastig is nie, kan jy moontlik een van die antwoorde in die traktaat bespreek en selfs die Leer Bybel-boek aanbied.
5. Hoe kan ons soms die traktaat by nietuise gebruik?
5 Nietuise: Waar niemand tuis is nie, laat verkondigers in sommige gebiede gewoonlik lektuur waar verbygangers dit nie kan sien nie. As dit is wat julle in julle gemeente doen, kan jy gerus die Waarheid-traktaat van tyd tot tyd by ’n huis laat. Wanneer jy teruggaan, kan jy sê: “Toe ons voorheen hier was, was jy nie tuis nie, en daarom het ons hierdie traktaat hier gelaat. Op watter van hierdie vrae wil jy graag ’n antwoord hê?”
6. Waarom is die Waarheid-traktaat ’n doeltreffende hulpmiddel in die predikingswerk?
6 Die Waarheid-traktaat bied die waarheid op ’n eenvoudige, direkte manier aan. Dit vind byval by mense van alle godsdienste en kulture. Dit is maklik om aan te bied; selfs jong en nuwe verkondigers kan dit doen. Gebruik jy dit by elke gepaste geleentheid?