Jehovah is ons toevlug

1. Jehovah is ons toevlug;

op hom kan ons vertrou.

Sy skadu is ons skuilplek;

hy sal ons veilig hou.

Want hy bewaar ons elke dag;

voortdurend hou hy oor ons wag.

Jehovah is ons vesting;

oor opregtes waak hy getrou.

2. Jy sien dalk duisend struikel,

tienduisend aan jou sy,

Maar saam met die lojales

sal jy geen skade ly.

Jy hoef dus nooit te beef van vrees;

Jehovah sal jou Redder wees.

Jou oë sal net toekyk,

onder God se vleuels sal jy bly.

3. Jehovah bied beskerming

teen strikke wat jou skaad.

En nooit laat hy jou wankel

weens vrees vir leed of kwaad.

Die maanhaarleeu sal jy nie vrees

en vir die kobra nie bang wees.

Jehovah is ons toevlug,

nimmer sal ons God ons verlaat.