Goedheid

1. O, die goedheid van Jehovah

sal ons altyd vreugde gee.

Hy’s ons Vader in die hemel,

hy is goed in al sy weë.

Hy toon guns en gee genade,

meer as wat ons ooit verdien.

Hy is ons aanbidding waardig;

hy’s die God wat ons graag dien.

2. Na Gods beeld is ons geskape;

daarom kan ons deugde toon

Soos die goedheid van ons Vader,

wat oorvloedig in hom woon.

Mag Gods goedheid in ons toeneem,

sodat ons dit kan weerspieël.

Mag ons altyd sy hart bly maak

en hom dien met hart en siel.

3. Dis nie net aan broers en susters

dat ons goedheid moet betoon.

As ons goed bly doen aan almal,

sal Jehovah ons beloon.

Ons verkondig God se boodskap,

hoop dat almal dit aanvaar.

So kan ons dan God se goedheid

in ons lewe openbaar.