“Idees om die tydskrifte in . . . aan te bied”

Ons het gewoonlik ’n maandelikse Diensvergaderingdeel oor hoe om die tydskrifte aan te bied. Die doel daarvan is nie om die inhoud van die tydskrifte te bespreek nie. Die doel van hierdie deel is eerder om idees om die tydskrifte aan te bied, te bespreek. Volgens die riglyne hou die toegewese broer dus ’n baie kort inleiding om geesdrif vir die tydskrifte op te wek. Dan kry hy verkondigers se wenke oor een artikel (of reeks) op ’n slag, sodat almal kan volg en kan let op idees wat hulle wil gebruik. Hy nooi die gehoor nie om ’n hele aanbieding te doen nie, maar hy vra hulle eerder om verskeie gedagteprikkelende vrae voor te stel en vra dan voorstelle oor ’n teks om te lees. Hy sluit af met ’n demonstrasie vir elke tydskrif. Ons word aangespoor om die tydskrifte voor die tyd deur te gaan en gereed te wees om ons wenke te gee. As almal goed voorberei, sal hierdie deel ons help om mekaar se aangesig te slyp.—Spr. 27:17.