Waarom onmiddellik na die gebied vertrek?

Wanneer ons die velddiensvergadering bywoon, is ons saam met ons broers en sal ons natuurlik wil gesels. Maar ná die vergadering moet ons probeer om onmiddellik na die gebied te vertrek. Ons predikingswerk is dringend (2 Tim. 4:2). Hoe langer dit ons neem om te vertrek, hoe minder tyd sal ons in die bediening hê. Ons sal oorgenoeg geleentheid hê om die opbouende assosiasie van medeverkondigers te geniet wanneer ons saam met hulle in die bediening werk. As ons so gou as moontlik na die gebied vertrek, sal dit toon dat ons vlytig is terwyl ons Jehovah en sy Seun as slaaf dien.—Rom. 12:11.