Die bepeinsing van my hart

1. Mag elk’ bepeinsing van my hart,

my denke deur die hele dag,

Vir u aanneemlik wees, o God;

mag dit my lei in rein gedrag.

As sorge my gemoed beswaar,

my slaap laat wegvlug in die nag,

Mag ek dan oor u peins, o Heer,

en oor wat u regverdig ag.

2. As ek bedink wat lieflik is,

lofwaardig, deugsaam, goed en waar,

Dan sal die vrede wat God gee,

my hart en denkvermoë bewaar.

Ontelbaar u gedagtes, Heer,

hoe kosbaar is hul tog vir my.

Mag ek u woorde bly bepeins

dat ek daarin verdiep kan bly.