Wat sê die Bybel?

Wat is die Koninkryk van God?

PARTY MENSE GLO dat dit verwys na die koningskap van God in ’n mens se hart; ander dink dat dit verwys na wêreldvrede en ’n broederskap wat deur mensepogings tot stand gebring sal word. Wat dink jy?

WAT DIE BYBEL SÊ

“Die God van die hemel [sal] ’n koninkryk oprig wat nooit vernietig sal word nie. . . . Dit sal al hierdie [menslike] koninkryke verbrysel en daar ’n einde aan maak” (Daniël 2:44). God se Koninkryk is ’n werklike regering.

WAT ONS NOG UIT DIE BYBEL LEER

• Die Koninkryk van God regeer vanuit die hemel.—Matteus 10:7; Lukas 10:9.

• God gebruik die Koninkryk om sy wil in die hemel en op die aarde te volbring.—Matteus 6:10.

Wanneer sal God se Koninkryk kom?

WAT SOU JY SÊ?

• Niemand weet nie

• Binnekort

• Nooit

WAT DIE BYBEL SÊ

“Hierdie goeie nuus van die koninkryk sal in die hele bewoonde aarde verkondig word as ’n getuienis vir al die nasies; en dan sal die einde kom” (Matteus 24:14). Wanneer die goeie nuus ten volle verkondig is, sal die Koninkryk kom om ’n einde te maak aan hierdie goddelose stelsel.

WAT ONS NOG UIT DIE BYBEL LEER

• Niemand op die aarde weet presies wanneer God se Koninkryk sal kom nie.—Matteus 24:36.

• Bybelprofesieë toon dat die Koninkryk binnekort sal kom.—Matteus 24:3, 7, 12.