STUDIE 13

Praktiese waarde duidelik gemaak

Spreuke 3:21

WAT JY MOET DOEN: Help jou gehoor om te verstaan hoe die onderwerp hulle lewe raak, en wys hoe hulle kan toepas wat hulle leer.

Dink aan diegene wat na jou luister. Dink na oor hoekom hulle die inligting moet hoor en watter punte hulle veral sal help.
Wys regdeur jou aanbieding hoe die inligting toegepas kan word. Van die begin af moet elke persoon wat na jou luister, voel: ‘Dit is op my van toepassing.’ Terwyl jy elke hoofgedagte bespreek, moet jy wys hoe dit toegepas kan word. Wees spesifiek.

Bespreek die toepassing van Bybelbeginsels op ’n liefdevolle manier wat wys dat jy verstaan hoe jou gehoor voel. In plaas daarvan om hulle skuldig te laat voel, moet jy hulle liefde en geloof versterk. Jy moet die vertroue hê dat hulle hart hulle sal motiveer om die regte ding te doen.