Kan jy van jou tyd en energie gee?

Soos Jesaja voorspel het, groei die aardse deel van Jehovah se organisasie soos nog nooit tevore nie (Jes 54:2). Daarom moet nuwe Koninkryksale, Byeenkomssale en takfasiliteite gebou word. Later het hierdie geboue instandhouding nodig, en party moet uiteindelik opgeknap word. Watter geleenthede gee dit ons om van ons tyd en energie vir Jehovah te gee?

• Ons kan help om die Koninkryksaal skoon te maak wanneer dit ons velddiensgroep se beurt is

• Ons kan aanbied om opleiding te kry vir die instandhouding van ons Koninkryksaal

• Ons kan die DC-50-aansoekvorm invul vir projekte van die Plaaslike Kantoor vir Ontwerp en Konstruksie sodat ons van tyd tot tyd met bou- en instandhoudingsprojekte in ons omgewing kan help

• Ons kan ’n A-19-aansoekvorm invul vir die Vrywilligerprogram en aanbied om vir ’n week of langer in ons takkantoor se gebied by Bethel of by ’n ander takfasiliteit te help

KYK NA DIE VIDEO ’N NUWE BOUPROJEK WORD BEPLAN – UITTREKSEL, EN BEANTWOORD DAN DIE VOLGENDE VRAE:

• Hoe is video’s vanaf 2014 al hoe meer gebruik?

• Watter projek word beplan om al die video’s te kan voorsien wat ons in ons aanbidding nodig het, en hoe lank gaan hierdie bouprojek duur?

• Hoe kan vrywilligers met hierdie projek help?

• Hoekom moet ons ’n aansoekvorm (DC-50) invul en help met projekte vir die Plaaslike Kantoor vir Ontwerp en Konstruksie in ons omgewing as ons met die bouwerk by Ramapo wil help?

• Watter bewyse is daar dat Jehovah in beheer is van hierdie projek?

• Hoe kan ons hierdie projek ondersteun, al kan ons nie self met die bouwerk help nie?