Haar opstel het ’n goeie indruk gemaak

Ginny, een van Jehovah se Getuies in die Verenigde State, het gedurende haar laaste skooljaar ’n uitstekende geleentheid gehad om oor haar godsdiens te praat. “My onderwyseres het vir die klas gesê dat ons ’n navorsingsopstel vir die kwartaal moet doen om te kan slaag”, sê sy. “Ek het vir haar gesê dat ek oor Jehovah se Getuies in Nazi-konsentrasiekampe wil skryf.”

Die onderwyseres het Ginny toestemming gegee om dit te doen. “Ek was senuweeagtig toe dit tyd geword het om my opstel in te handig en voor die klas daaroor te praat”, erken Ginny. “Ek het nie geweet wat my klasmaats sou sê en of hulle met my sou spot nie.”

Ginny het haar aanbieding begin deur te vra: “Weet iemand wie die Dawidster in die Nazi-konsentrasiekampe gedra het?” Almal het gesê: “Die Jode.” Toe het sy gevra of iemand weet wie ’n pers driehoek gedra het. Niemand het geantwoord nie. “Ek het vir hulle gesê dat dit Jehovah se Getuies was”, sê Ginny.

Die onderwyseres en die klas was beïndruk met die inligting wat Ginny aangebied het. “Hulle was verbaas oor die feit dat Jehovah se Getuies hulle vryheid kon kry deur eenvoudig ’n dokument te teken waarin hulle hulle geloof verloën”, sê Ginny. “Party van my klasmaats het later vir my gesê dat hulle in die verlede met Jehovah se Getuies gespot het, maar dat hulle nou sal luister as een weer hulle huis besoek.”

Ginny het vier A’s vir haar opstel en aanbieding gekry. “Ek het nie net goeie punte gekry nie”, sê sy, “maar ek het ook ’n goeie geleentheid gehad om oor my geloof te praat!”

[Prent op bladsy 19]

Baie van Jehovah se Getuies is hulle vryheid aangebied op voorwaarde dat hulle hierdie dokument teken waarin hulle hulle geloof verloën

[Erkenning]

Courtesy of United States Holocaust Memorial Museum