Die kerke—Waarheen is hulle op pad?

WAT gebeur met die “Christelike” kerke? Floreer die kerke in jou omgewing of nie juis nie? Soms hoor jy dalk bewerings van herlewing en berigte van groeiende gemeentes uit plekke soos Afrika, Oos-Europa en die Verenigde State. Maar nuusberigte uit ander wêrelddele, veral Wes-Europa, sê dat kerke toemaak, gemeentes krimp en onverskilligheid teenoor godsdiens algemeen is.

Baie kerke het hulle styl verander omdat bywoningsyfers daal. Party verkondig dat hulle “nie oordeel nie”, wat die idee skep dat God enige soort gedrag aanvaar. Kerke bied al hoe meer vermaak, opwinding en sekulêre aantreklikhede eerder as onderrigting uit God se Woord aan. Terwyl sommige kerkgangers die veranderinge as nodige aanpassings by die werklikhede van die moderne wêreld beskou, wonder talle opregte mense of die kerke nie afdwaal van die opdrag wat Jesus gegee het nie. Kom ons kyk na tendense wat kerke in onlangse dekades gevolg het.