Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w11 10/1 bl. 9
  • Die waarheid kan jou lewe verander

Video nie beskikbaar nie.

Jammer, die video kon nie laai nie.

  • Die waarheid kan jou lewe verander
  • Die Wagtoring kondig Jehovah se Koninkryk aan—2011
  • Soortgelyke materiaal
  • Is geloof en rede versoenbaar?
    Ontwaak!—2011
  • Is waarheid nog belangrik?
    Nog onderwerpe
  • Jehovah se Getuies
    Redenering uit die Skrif
  • Hoe kan ek die waarheid liefkry?
    Ontwaak!—1998
Sien nog
Die Wagtoring kondig Jehovah se Koninkryk aan—2011
w11 10/1 bl. 9

Die waarheid kan jou lewe verander

JY HET moontlik al een van die leuens oor God wat in hierdie reeks artikels blootgelê is, gehoor of is dit dalk geleer. Maar jy is dalk huiwerig om jou oortuigings te verander, veral as jy dit al lank koester.

Sulke huiwerigheid is te verstane. Party kerke ontmoedig mense om hulle leringe te vergelyk met wat die Bybel sê. Ander probeer leuens verdedig deur te sê dat die Bybel ingewikkeld is en nie veronderstel is om deur almal verstaan te word nie. Tog was die meeste van Jesus se dissipels gewone mense sonder geleerdheid, en hulle het maklik verstaan wat hy geleer het.—Handelinge 4:13.

Jy skram dalk ook daarvan weg om jou oortuigings te ondersoek uit vrees dat jy sodoende ’n gebrek aan geloof sal openbaar. Maar maak dit sin dat dit God ongelukkig sal maak as jy die Bybel, sy boodskap aan die mens, ondersoek om te verstaan wat hy van jou verwag? Inteendeel, sy Woord spoor ons aan om self die Skrif te ondersoek en sê: ‘Maak seker wat die goeie en aanneemlike en volmaakte wil van God is.’—Romeine 12:2.

Om die waarheid oor God te leer, is meer as ’n intellektuele oefening—dit kan jou lewe ten goede verander (Johannes 8:32). Deanne, wat in die eerste artikel genoem is, grond nou haar geloof op God se Woord. Sy sê: “Ek het nooit besef dat die Skrif so verstaanbaar is totdat ek die Bybel begin studeer het nie. Nou ken ek Jehovah, nie net as ’n onpersoonlike God nie, maar as my liefdevolle hemelse Vader. Ek het ’n ware doel in die lewe gevind.”

Miskien het jy al die Bybel bestudeer, maar jy het dalk nie gevoel dat jy daarby baat gevind het nie. Indien wel, moenie tou opgooi nie. Om die Bybel te probeer verstaan terwyl jy leuens oor God geleer is, is soos om ’n legkaart te probeer bou met behulp van die verkeerde prent as verwysing. Jy sal dalk ’n paar van die stukkies reg kan saamvoeg, maar dan gefrustreerd tou opgooi wanneer dit nie by die prent pas wat vir jou gegee is nie. Maar as jy met die regte prent begin, sal jy die stukkies maklik reg kan saamvoeg.

Sou jy graag die waarheid oor God wou leer? Ons nooi jou om in aanraking te kom met Jehovah se Getuies in jou omgewing of om na die gepaste adres op bladsy 4 van hierdie tydskrif te skryf vir ’n gratis tuisbybelstudie.

[Lokteks op bladsy 9]

‘Maak seker wat die goeie en aanneemlike en volmaakte wil van God is.’—ROMEINE 12:2

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel