Ale ci àkpɔ le Yehowa Kunuɖetɔwo bɔbɔwo yiyi mɛɔ?

Woyɔ eo nɔ Yehowa Kunuɖetɔwo bɔbɔ ɖe kpɔa? Nɔ deyi hɔɖoɔ, bɔbɔ lɔ yiyi ŋkɔtɔ tɛnŋ wa ŋmɛya nɔ eo. Ètɛnŋ biɔkɔ eoɖeki se mɔ: ‘Nyi yí jɔnɔ le bɔbɔ lɔwo mɛɔ? Nyi yí taɖo ele veviɖeɔ? Nyi yí taɖo ŋɖo ayiɔ?’ Le enukplakpla cɛ mɛɔ, àkpɔ lé ejunɔnɔ koɖo mɛbuwo le bɔbɔ lɔwo mɛ akpedo eo nu yí nagbegogo Mawu doji.

1. Susu vevi ci yí dɔ taɖo Yehowa Kunuɖetɔwo bɔnɔ dojuɔ?

Se lé Bibla ŋwlɛtɔ ɖeka nu susu vevi ci yí taɖo woɖo abɔnɔ doju koɖo mɛbuwo ɖa. Énu mɔ: ‘Yehowa, nakanfu Eo le gblamɛ nɔ Ao mɛwo le bɔbɔ ganganwo mɛ.’ (Ehajiji Wema 26:12) Shigbe lé ewanɔ nɔ Mawu sɛntɔ ciwo yí ni le blema nɛɔ, eji jɔnɔ Yehowa Kunuɖetɔwo sugbɔ nɔ wobɔ doju yí wakɔ bɔbɔwo. Le xexeɛ pleŋ mɛɔ, wowanɔ bɔbɔ kwɛshila ɖeshiaɖe. Le bɔbɔ lɔwo mɛɔ, wojinɔ ha yí sɔ kannɔfu Mawu yí gbedonɔ gbe ɖaɖa. Mìgbewanɔ bɔbɔ gangan alo takpekpewo le azan ɖewo ji xweshiaxwe yí sɔ sɛnnɔ Mawu.

2. Nyiwo àkpla le mìwo bɔbɔwoɔ?

Le mìwo bɔbɔwo mɛɔ, mìkplanɔ Mawu Nyɔ lɔ; “wo wɛ yi yi gɔnmɛsese [nɔnɔ] bɔbɔɛɖe, yí dre[nɔ] gɔnmɛ ni.” (Hlɛn Nexemi 8:8.) Nɔ èyinɔ mìwo bɔbɔwoɔ, àkpla nu sugbɔ kuso Yehowa koɖo nɔnɔmɛ yi tɔwo nu. Eyi nɔ èkplakɔ nu yí kpɔkpɔ lé Yehowa lɔn eo do kekeɔ, adɔ yí àgbegogui doji. Àgbekpɔ lé Yehowa akpedo eo nu do yí navo le agbemɛ.—Ezai 48:17, 18.

3. Lé ejunɔnɔ koɖo nɔviwo le bɔbɔwo mɛ atɛnŋ akpedo eo nu doɔ?

Yehowa nu nɔ mì tiin mɔ mìwo ɖo “a butamɛ so mìwonɔnɔwo nu, yi a kpɔ le mì a kpedo mìwonɔnɔwo nu do yí a dasɛ lɔnlɔn koɖo enu nywi wawa. Mì de ɖo a mi bɔbɔ vava o.” (Ebretɔwo 10:24, 25) Le mìwo bɔbɔwo mɛɔ, àkpɔ mɛ ciwo yí bunɔ mɛbuwo tɔ kpɔ, àgbekpɔ mɛ ciwo yí jikɔ veviɖe shigbe eɔ hannɛ mɔ yewoakpla nu sugbɔ so Mawu nu. Àse yí woaxonɔ nuxu ciwo yí wosɔ so Bibla mɛ yí agbesenɔ ŋsɛndoamunyɔ wowo tɔwo. (Hlɛn Rɔmatɔwo 1:11, 12.) Àgbetɛnŋ axo nuxu koɖo mɛ ciwo yí enuwo kpekpeɛ gan yí wowɛ do ɖe keke yí vo yí tokɔ wo mɛ. Woatɛnŋ anyi asu koɖo ashiwo koɖo trɛnnɔwo. Ŋciwo yí dɔ taɖo Yehowa ji mɔ mìwo le bɔnɔ doju ɖewo nɛ!

JI DWI NI KPƆ DOJI

4. Yehowa Kunuɖetɔwo bɔbɔwo

Le exwe sanŋdi ŋkɔtɔ mɛɔ, Kristotɔwo bɔnɔ le hamɛ vovovowo mɛ yí sɛnnɔ Yehowa. (Rɔmatɔwo 16:3-5) Hlɛn Kolosetɔwo 3:16, keŋ agbeje biɔse ci yí gbɔgbɔ mɛ:

• Lé Kristotɔ ŋkɔtɔwo wɛ yí sɛnnɔ Yehowaɔ?

VIDEO: Nyiwo yí jɔnɔ le Fyɔɖuxuxɔwo mɛɔ? (2:12)

• Nyi èkpɔ mɔ wojɔnɔ le bɔbɔwo mɛ le Fyɔɖuxuxɔwo mɛ yí wosɔ koɖo ŋciwo èhlɛn le Kolosetɔwo 3:16 mɛɔ?

• Ègbekpɔ nubu ɖe so bɔbɔwo nu ci yí jɔ ji nɔ eo le video alo foto lɔ mɛa?

Hlɛn 2 Korɛntitɔwo 9:7, keŋ agbeje enyɔbiɔse ci yí gbɔgbɔ mɛ:

• Nyi yí taɖo Yehowa Kunuɖetɔwo dejɔnɔ ho le amɛwo shi le wowo bɔbɔwoɔ?

Eo koɖo mɛ ci yí kplakɔ nu koɖo eo le kpɔ enu ciwo yí woakpla le bɔbɔ ci yí gbɔgbɔ mɛ.

• Bɔbɔ lɔ kpaxwe ci èkpɔ mɔ yɛnyɔ wu alo ci mɛ enukplamu le sɔwuɔ?

Ènyaa?

Àtɛnŋ akpɔ fini mìwanɔ bɔbɔ lɔwo le koɖo hwenu mìwanɔ wo le xexeɛ pleŋ mɛ le jw.org ji.

1. Le mìwo bɔbɔwo mɛɔ, mìsenɔ Bibla mɛ nuxuwo, kpɔnɔ sɛni ciwo mɛ nukplamuwo le yí gbekpɔnɔ videowo. Le tɔtɔmɛ koɖo vɔvɔnu nɔ bɔbɔ lɔwoɔ, mìjinɔ ha yí donɔ gbe ɖaɖa

2. Le akpaxwe ɖewo mɛ nɔ bɔbɔ lɔwoɔ, wobiɔnɔ nyɔwo se yí etoɖotɔwo nunɔ do wo nu

3. Mɛshiamɛ ava dru: asu koɖo ashiwo, trɛnnɔwo, amɛshinshinwo koɖo ɖeviwo

4. Dana ho gbɔxwe ava bɔbɔ lɔwo o. Yehowa Kunuɖetɔwo dejɔnɔ eho le amɛ shi o

5. Ele mɔ woado gbla gbɔxwe asun ji ayinɔ bɔbɔ lɔwo

Mìakpɔ lé eyinɔ do nɔ xomu ci mɛ Yesu shin le. Xweshiaxweɔ, xomu lɔ zɔnnɔ afɔ kpeci 100 han so Nazarɛti keke avayi Ʒerusalɛmu le gbedoxɔ mɛ. Etoji mɔwo ji wozɔnnɔ afɔ to keke ayi ɖo. Hlɛn Luiki 2:39-42, keŋ agbeje enyɔbiɔse ciwo yí gbɔgbɔ mɛ:

• Ci èkpɔɛ ɖe, dagbɔnnɔnu nɔ wo gbɔxwe woayi ɖo Ʒerusalɛmu ba?

• Taŋfuin nyi yí taɖo ele mɔ àje agbla gbɔxwe ayinɔ bɔbɔwoɔ?

• Èkpɔ mɔ yɛnyɔ nɔ ye mɔ yeɖo ayinɔ bɔbɔwo nɔ yeadonɔ gbla gbɔxwe ayinɔ wo can a? Nyi yí taɖo ènu ahan ɔ?

• Nyi yí taɖo mìdeɖo agɔn bɔbɔ ɖeɔ?

ENU CI ÈKPLA

Bɔbɔwo yiyi akpedo eo nu yí najeshi enu sugbɔ so Yehowa nu, eo koɖo yɛ agbevave. Adɔ ànɔnɔ ju koɖo mɛbuwo yí asinkɔ.

Enumɛtoto

• Nyi yí jɔ Yehowa nu nɔ mì mɔ mìwo le bɔnɔ dojuɔ?

• Nɔ èyi Yehowa Kunuɖetɔwo bɔbɔwo ɖe, nyiwo àkplaɔ?

• Lé nyɔna ciwo àkpɔ le bɔbɔ lɔwo yiyi mɛ agbekpedo eo nu doɔ?

KPƆ ŊCƐWO KPƆ

Bɔbɔ yiyi sonɔ jika nɔ eoa? Ewa ahan nɔ ŋsu ɖeka can vayi, vɔ kpɔ lé evanyi do yí bɔbɔwo yiyi vajɔkɔ ji ni ɖa.

Mìdaŋlɔbe egbedonamɛ ŋtɔ́ kpɔ gbeɖe o (4:16)

Kpɔ lé eji jɔ ɖayɛvi ɖeka do ci eyi bɔbɔ ɖa. Gbekpɔ lé ewɛ yí kpɔtɔ yikɔ bɔbɔ lɔwo.

Bɔbɔ lɔwo yiyi jɔ ji nɔŋ sugbɔ! (4:33)

Se nyɔ ci mɛbuwo can nu ci woyi bɔbɔ lɔwo ɖa.

“Nyi yí taɖo èɖo ayi bɔbɔ ciwo wowanɔ le Fyɔɖuxuxɔwo mɛɔ?” (Àkpɔɛ le siti lɔ ji)

Kpɔ lé xomɛvetɔ ɖeka ci yí nɔnɔ ganŋkiwo mɛ sa gbenɔnɔ vatrɔ keŋkeŋ ci eyi Yehowa Kunuɖetɔwo bɔbɔ ɖeka ɖa.

“Ŋdeyinɔ fiɖe ecu mahɛn o” (Jutakpɔxɔ, 1^er juillet 2014)