Ahwa Jɔkɔ Le Israël Koɖo Eju Buwo Gblamɛ—Enyɔ Ci Bibla Nuɔ?

Xexe lɔ le enulolokpɔ mɛ ɖo ahwa jɔkɔ le gblamɛ nɔ Etats Unis, Israël koɖo Iran. Ahwa lɔ asɛnŋ doji keke akaka yi eju buwo mɛa? Acɛkpakpawo atɛnŋ aze nɔ afɔkuwo yí ahɛn fafa mavɔ va xexe lɔ mɛa?

Mɛ ciwo yí nya nu so Bibla mɛ nyɔnuɖɛwo nu tɛnŋ biɔ wowoɖekiwo se mɔ: ahwa ci yí jɔjɔ le Israël koɖo eju buwo gblamɛ atɛnŋ anyi tɔtɔmɛ nɔ Harmagedɔn hwa ci nu woxo nuxu so le Enyɔdasɛ wema mɛa?

Enyɔ ci Bibla nuɔ?

Acɛkpakpawo aɖo te ahwa ci yí jɔjɔ le Israël koɖo eju buwo gblamɛa?

Bibla nu mɔ: “Mí ŋgbe godo míwo kplɔtɔ nu nɔ alɔ̀du byɔbyɔ o. Mí ŋgbe doji do amɛwo nu o. Nyi taɖo ɔ? Amɛwo da tɛnŋ hwlɛn mí gan o.”​—Ehajiji Wema 146:3.

Le yiyimɛɔ, acɛkpakpawo tɛnŋ vawa fafa hwɛɖeka le Israël koɖo eju buwo gblamɛ. Vɔ Bibla dre mɛ petii mɔ politiki ŋkɔnɔtɔ, agbetɔwo cɛkpakpa alo gbɛbɔbɔ bu ɖe datɛnŋ aɖo te ahwa yí ahɛn fafa mavɔ vɛ o. Mawu ɖekɛ yí atɛnŋ “a ɖote ahwawo le afi ɖekpokpwi le nyigban ji.”​—Ehajiji Wema 46:9.

• Nɔ àkpɔ nubuwo kpiɔ, hlɛn Jutakpɔxɔ ci yí nyi “Aleke Wòadzɔe Be Aʋawɔwɔ Nu Nayi Keŋkeŋ?”

Ahwa ci wowakɔ le Israël koɖo eju buwo gblamɛ na yí enyɔnuɖɛ ɖe vamɛa?

Bibla nu mɔ: “Míase mɔ wowawa ahwa le texwe ciwo yí sɔ mí gbɔ koɖo texwe ciwo yí jinjin le mí gbɔ. . . . Jukɔn atɔ ahwa koɖo jukɔn bu yí fyɔɖuxu atɔ ahwa koɖo fyɔɖuxu bu.”​—Matie 24:6, 7.

Ahwa ci yí jɔjɔ le Israël koɖo eju buwo gblamɛ nyi kpeɖoji bu ci yí dadasɛ mɔ mìle “xexe lɔ vɔvɔnu” ci Bibla gbeyɔnɔ mɔ “ŋkeke kpɛtɛkpɛtɛwo.” (Matie 24:3; 2 Timɔte 3:1) Ahwa ciwo yí jɔkɔ egbɛ dasɛ mɔ sabaɖe yɛɔ, Mawu agu ahwawo koɖo cukaɖa bu ciwo yí dokɔ aya nɔ agbetɔwo.

• Nɔ àkpɔ nubuwo kpiɔ, hlɛn nyɔci ci yí nyi “Nu Kae Nye “Ŋkeke Mamlɛawo” Alo “Nuwuɣi” La Ƒe Dzesi?”

Harmagedɔn atɔ ji le Israël koɖo eju buwo gblamɛa?

Bibla nu mɔ: ‘Wobɔ wo do afi ci woyɔnɔ mɔ Harmagedɔn do Ʒuifuwo gbe mɛ.’​—Enyɔdasɛ 16:16.

Harmagedɔn hwa denyi ahwa ci agbetɔwo cɛkpakpawo tɔ wawa le Israël koɖo eju buwo gblamɛ o. Vɔ anyi ahwa ci xexe lɔ koɖo agbetɔwo cɛkpakpawo pleŋ awa koɖo Mawu.

• Nɔ àkpɔ nubuwo kpiɔ, hlɛn nyɔci ci yí nyi “Nu Kae Nye Armagedon-ʋa La?”

Lé mìawɛ yí mìdavɔn, nɔ mìseseɛ mɔ ahwawo jɔjɔɔ?

Bibla nu mɔ: “Míŋgbelo nɔ ŋɖekpokpui o; vɔ le enushianu mɛɔ, míto gbedodoɖa, kwifanwawa koɖo akpedodowo ji yí anu enu ciwo yí wawa mí nɔ Mawu.”​—Filipitɔwo 4:6.

Yehowaa Mawu ji mɔ mìwo le donɔ gbe ɖaɖa nɔ ye. Ci Mawu lenɔ bu nɔ mìɔ, áse mìwo gbedoɖawo yí akpedo mì nu yí mídalo nɔ ŋɖekpokpui o. (1 Piɛ 5:7) Lé ekpenɔdo mì nu do yí nyi mɔ, éna mìnya ŋci yí taɖo ahwawo jɔjɔ koɖo lé aɖo te ahwawawawo yí ana mìami vevi sese koɖo aya ɖuɖu.​—Enyɔdasɛ 21:3, 4.

• Nɔ àkpɔ enyɔ buwo so lé Mawu kpenɔdo mì nu nuɔ, hlɛn nyɔci ci yí nyi “Bibla Atɛnŋ Afa Akɔn Nɔ Eo.” (Éle Fransegbe mɛ.)