LÉ ÀWƐ ATƆ SEŊKANKAN JI NYWIÐE
ENUKPLAKPLA 5
Je Aye
Gɔnmɛɖose: “Míwo nuxuwo le nyɔnɔ tɛgbɛɛ.”—Kol. 4:6.
Lé Pɔlu Wɛ Do
1. Kpɔ VIDEO lɔ, alo hlɛn Edɔwawawo 17:22, 23. Le yi goduɔ, gbeje nyɔbiɔse ciwo yí gbɔgbɔ mɛ:
Lé ewanɔ Pɔlu ci ekpɔ vojusɛnsɛn nuwo le Atɛniɔ?—Kpɔ Edɔwawawo 17:16.
Lé Pɔlu sɔ ayexa yí zan Atɛnitɔwo jixɔsewo sɔ ɖe kunu nɔ wo sɔwu mɔ ado hwe woɔ?
Nyi Mìkpla So Pɔlu Kpɔwɛ Lɔ Mɛɔ?
2. Kankandoji li mɔ amɛwo aɖo to mì sɔwu, nɔ mìwa ɖaŋ can nyɔ ciwo mìanu, lé mìanu wo do koɖo hwecinu mìanu wo.
Sran Pɔlu
3. Wa ɖaŋ abu nyɔ ciwo ànu kpɔ nywiɖe. Le kpɔwɛ mɛ, nɔ èxokɔ nuxu koɖo mɛ ci yí dejeshi Mawu ɖɛɔ, taŋfuin aʒan mɔ àtrɔ ashi le lé àtɔ senŋkankan so Bibla alo Yesu nu do.
4. Ŋgbeɖa yí agbe nyɔ nɔ mɛ lɔ o. Nà nɔ áxo nuxu so jimɛ faa. Nɔ énu nyɔ ɖe ci yí desɔ koɖo Bibla nukplakplawoɔ, ɖu eoɖeki ji, ŋgbetɔ enyɔdɔndɔn koɖi o. (Ʒaki 1:19) Nɔ èɖo to yi nywiɖeɔ, àkpla nu so yi jixɔsewo nu koɖo enu ci yí taɖo exɔ wo ji se.—Elo. 20:5.
5. Xɔ gbe do ji yí ado akpe ni nɔ anya wawa. Étɛnŋ bui nyɔnɔnwimɛtɔ mɔ ye sɛnsɛn jixɔsewo yí nyi nywitɔ. Do jeshi enu ci ji mì ave lɔn do; eyi viviviɔ, kpedo nu nɔ amɔŋje enu ci Bibla kpla mɛ.
GBEKPƆ
Elo. 25:15; 2 Tim. 2:23-26; 1 Piɛ 3:15