Mína nɔ mìwo kunuɖeɖe mɔnuwo anyɔ doji​—Ðe kunu nɔ amɛshiamɛ le ao nyigbanmama mɛ

ENU CI YÍ NA ELE VEVIÐE: Zakari nu ɖɛ mɔ, amɛwo aso egbewo pleŋ mɛ le jukɔnwo mɛ yí alɔn eŋɛnywi lɔ. (Zak 8:23) Vɔ mi yí akpla nu woɔ? (Rɔm 10:13-15) Mɔnukpɔkpɔ sun mì shi mɔ, mìadra eŋɛnywi lɔ nɔ mɛɖekpokpui ci yí le mìwo nyigbanmama mɛ.​—od-EW 84 ¶10-11.

LÉ MÌAWƐ DO:

• Dranɔdo. Èdonɔ go egbe bu dotɔwoa? Àtɛnŋ azan JW Language dɔwanu yí asɔ kpla lé àtɛnŋ atɔ seŋkankan koɖo amɛwo do. Alo to ao telefonu jiɔ, àtɛnŋ adasɛ nɔ mɛɖe lé atɛnŋ akpɔ enyɔtakankan sugbɔwo do le yi gbe mɛ le jw.org ji

• Nyi ŋkuviledonunutɔ. Nɔ èɖekɔ kunu so axomɛ yi axomɛɔ, ŋgbetashi kunuɖeɖe nɔ mɛ ciwo yí vayikɔ alo mɛ ciwo yí le te le ehun mɛ o. Nɔ èɖekɔ jugbaja kunuɔ, ao susu le nɔ tajinu lɔ, ci yí nyi kunuɖeɖe lɔ ji cucucu

• Nyi vevidonutɔ. Tekpɔ atrɔnɔ yi mɛ ciwo yí dekpɔ le axomɛ vayi gbɔ. Je agbla yí aɖe kunu nɔ amɛwo pleŋ le axwe ɖeshiaɖe mɛ; tanŋfuin yi wo gbɔ le ega bu mɛ le ŋkeke lɔ mɛ alo le ŋkeke bu ji le kwɛshila lɔ mɛ. Woatɛnŋ aɖe kunu nɔ axomɛnɔtɔ ɖewo to lɛta, telefonu alo le emɔ ji

• Kpedo eɖesɔlemɛtɔwo nu. Trɔnɔ yi amɛ ciwo yí sɔ eɖe le mɛ gbɔ kaba, nɔ eɖesɔlemɛ wowo tɔ ŋgbeci o. Nɔ mɛɖe donɔ egbe buɔ, tekpɔ aji egbe lɔ dotɔ ni keŋ nɔ axɔ kpedonu le yi gbe mɛ. Kpɔtɔ ayɔnɔ amɛ lɔ le telefonu ji na nɔ hwecinu yí eŋɛnywidratɔ ci yí donɔ yi gbe ado go koɖyi.​—od-EW 94 ¶39-40

KPƆ VIDEO CI YÍ NYI KUNUÐEÐE LE “KEKE NYIGBAN LƆ VƆVƆNU,” KEŊ ANA ÐOŊCI NƆ ENYƆBIƆSE CIWO YÍ GBƆGBƆ:

• 

  Lé nɔviŋsu koɖo nɔvinyɔnu lɔwo drado keŋ gbɔxwe yí vayi ɖe kunu nɔ amɛwo le jinjin tɔxuwoɔ? (1Kor 9:22, 23)

• 

  Cukaɖa ciwo ji woɖuɔ?

• 

  Nyɔna ciwo yí wokpɔ le mɛɔ?

• Agbla ciwo yí àtɛnŋ aje yí aɖe kunu nɔ amɛ sugbɔ wu le ao nyigbanmama mɛɔ?