Wonyi totomɛ ɖeka ci yí ɖekɔ kunu nɔ amɛshiamɛ

Shigbe lé Yehowa ɖo Izraɛliviwo vayi sa nɛɔ, ahanke eɖo yi mɛwo gbɛ yí wonyi totomɛ ɖeka ci yí wakɔ dɔ ci edɔ wo nɛ. Toto nyigban lɔ pleŋ jiɔ, alɔjedɔwaxuwo, ekàn lɔ mɛ hamɛwo, hamɛ ɖekaɖeka koɖo kunuɖegbɛwo le dɔ wakɔ alɔlealɔmɛ yí drakɔ ŋɛnywi lɔ. Mìɖenɔ kunu nɔ mɛshiamɛ, nɔ enyi egbe bu yí amɛ lɔwo donɔ can.—Enyɔdasɛ 14:6, 7.

Èbu lé àwɛ akpla egbe bu keŋ asun ji akpedo mɛbuwo nu nɔ woajeshi nyɔnɔnwiɛ kpɔa? Nɔ devo keke asun ji akpla gbe bu ɖeɔ, èhɛn azan JW Language dɔwanu lɔ keŋ akpla enyɔ kleŋkleŋwo le gbeɛ mɛ dru. Eyi nɔ èvayi kunuɖegbe yí kpɔ mɛ ci yí donɔ gbe lɔ yí tekpɔ keke yí do kankin ci èjeshi ɖɛ niɔ, eji ajɔ eo shigbe lé ejɔ exwe sanŋdi ŋkɔtɔ mɛ Kristotɔwo hannɛ. Ci mɛ ciwo so fibufibuwo ‘se enyɔ gangan ciwo wonu so Mawu nu’ do wowoŋtɔwo gbe mɛɔ, ejiŋ nɔ wo. Ci exwe sanŋdi ŋkɔtɔ mɛ Kristotɔwo kpɔ nu lɔ ahan ɔ, eji jɔ wo sugbɔ.​—Edɔwawawo 2:​7-​11.

MÍKPƆ VIDEO CI YÍ NYI NYI YEHOWA XLƆ—KUNUÐEÐE DO GBE BU MƐ, AÐO NYƆBIƆSE CIWO MÌAKPƆ YƐ ŊCI:

• 

  Lé míazan JW Language dɔwanu lɔɔ?

• 

  Nyiwo yí le dɔwanuɔ mɛɔ?

• 

  Egbe ciwo amɛwo donɔ le míwo tɔxuɔ?

• Nɔ èyi kunuɖegbe yí vayi kpɔ mɛ ci nyɔɔ jɔ ji nɔ, vɔ yí enyi egbe bu edonɔ ɖe, lé àwɛɔ?—od-EW 100-101 mm. 39-41