WANƆ TRƆTRƆYIWO NYWIÐE
ENUKPLAKPLA 7
Kpɔtɔ akpenɔdo amɛwo nu
Gɔnmɛɖose: “Amɛdɔdɔ lɔwo de ɖo ete enukplakpla amɛwo o. Wo kpɔtɔ le Eŋɛnywi dokɔ.”—Edɔwawawo 5:42.
Lé Pɔlu Wɛ Do
1. Kpɔ VIDEO lɔ, alo hlɛn Edɔwawawo 19:8-10. Le yi goduɔ, gbeje nyɔbiɔse ciwo yí gbɔgbɔ mɛ:
Ci mɛɖewo gbe eŋɛnywi lɔ can ɖe, lé Pɔlu kpɔtɔ yí kpekpeɛdo mɛ ciwo yí sɔ ɖe le ji nu doɔ?
Lé Pɔlu trɔ vayi kpla nu koɖo mɛ ciwo yí sɔ ɖe le ji doɔ, yí hwenu nɛni ewɛ na nɔɔ?
Nyi Mìkpla So Pɔlu Kpɔwɛ Lɔ Mɛɔ?
2. Mìɖo azan gamɛ yí aje agbla gbɔxwe awa trɔtrɔyi nywiwo, yí atɔ Bibla nukplakplawo wawa.
Sran Pɔlu
3. Trɔ ao totowo nɔ asɔ koɖo mɛ lɔ tɔ. Biɔ eoɖeki se mɔ: ‘Hwenu koɖo fini anyɔ mɔ nayi gbɔ leɔ? Hwenu yí anyɔ ni yí alɔn akan seŋ koɖoŋ ɔ?’ Lɔn faa atrɔ yi gbɔ do hwenu ci edro ji, nɔ desɔgbe koɖo ao toto can.
4. Míɖo gamɛ. Hweɖekpokpuinu ci míaɖegbɔ seŋ kankan ɔ, je agbla anu gacimɛ cucucu àtrɔ va, keŋ ayi seŋkankan lɔ ji. Tekpɔ ayi gbɔ le gamɛ koɖo texwe ci ji mílɔn do.
5. Kpɔtɔ aɖo mɔkpɔkpɔ. Ŋgbenu zeɖeka mɔ, ci mɛ lɔ denɔnɔ axomɛ ahan o, alo ci dekpɔnɔ vovoɔ, yɛdasɔ ɖe le eŋɛnywi lɔ ji o. (1 Kor. 13:4, 7) Kpɔtɔ ayinɔ mɛ lɔ gbɔ nɔ èdonɔ kpui hweɖewonu can, vɔ kando ji mɔ yezannɔ ye gamɛwo nywiɖe.—1 Kor. 9:26.