Sin-o si Jesus?

Ginpadaea ni Jehova si Jesus sa eugta. 1 Juan 4:9

Kon gusto naton mapahalipay si Jehova, kinahang-ean magpamati kita sa isaea pa gid ka importante nga persona. Bago gintuga si Adan, nagtuga anay si Jehova it gamhanan nga espiritu nga persona sa eangit.

Ku ulihi, ginpadaea imaw ni Jehova agod matawo sa Betlehem sa daeagang si Maria. Rayang unga hay ginpangaeanan nga Jesus.—Juan 6:38.

Bilang tawo iya sa eugta, si Jesus perpekto nga nagpahayag it mga kinaugali it Dyos. Imaw hay mabuot, mahigugmaon, ag madali paeapitan. Owa it kahadlok nga ginturo na sa iba ro kamatuoran parti kay Jehova.

Nag-obra it mayad si Jesus pero gindumtan gihapon imaw. 1 Pedro 2:21-23

Nagpangmayad man si Jesus it mga masakiton ag ginbanhaw ro pila sa mga namatay.

Ro relihiyuso nga mga lider hay nagdumot kay Jesus tungod ginbuyagyag na ro andang saea nga mga pagturo ag maeain nga gin-obra.

Ro relihiyuso nga mga lider hay nagsuesoe sa mga Romano nga bunaeon ag patyon si Jesus.