Ano ro Kahueogan it Kamatayon ni Jesus Kimo?

Namatay si Jesus agod nga kita hay mabuhi. Juan 3:16

Tatlong adlaw pagkatapos nga namatay si Jesus, may mga babayi nga nagbisita sa anang eubnganan ag nakit-an ra nga owa it sueod. Ginbanhaw ni Jehova si Jesus sa kamatayon.

Ku ulihi nagpakita si Jesus sa anang mga disipulo.

Huo, ginbanhaw ni Jehova si Jesus bilang gamhanan, owa it kamatayon espiritu nga tinuga. Nakit-an it mga disipulo ni Jesus ro pagkayab na sa eangit.

Ginbanhaw it Dyos si Jesus ag gin-obra nga Hari sa anang Ginharian. Daniel 7:13, 14

Gintao ni Jesus ro anang kabuhi agod igawad sa mga tawo. (Mateo 20:28) Paagi sa ruyong gawad, ro Dyos nagpaposible nga mabuhi kita it dayon.

Ginpili ni Jehova si Jesus nga maghari sa bilog nga eugta. Kaibahan na ro 144,000 nga matutom nga mga tawo sa eugta nga ginbanhaw agod mabuhi sa eangit. Si Jesus ag ro 144,000 nagporma it matarong eangitnon nga pagginobyerno—Ginharian it Dyos.—Pahayag 14:1-3.

Obrahon nga paraiso ro eugta ku Ginharian it Dyos. Do gera, kapobrehon, ag gutom hay maduea eon. Ro mga tawo mangin malipayon gid.—Salmo 145:16.