Makabulig ro Pag-drawing Para Matandaan Ing Natun-an

Buko’t madali nga matandaan pirme ro atong ginatun-an. Pero, mas madali katon nga matandaan ro mga ginturo ni Jesus dahil naggamit imaw it mga ilustrasyon. Naiimadyin naton ra, ag nagabulig ron katon nga matandaan ro anang mga ginturo. Pareho karon, mas abu ing matandaan kon ginaimadyin mo ing ginabasa. Paalin mo ron maobra? Paagi sa pag-drawing it ing ginatun-an.

Mas natatandaan it mga tawo ro mga bag-o nandang natun-an kon gina-drawing nanda ra. Rayang paagi hay nakabulig kanda nga maintindihan bukon eang ro nakasueat nga mga bisaea, kundi pati man ro panguna nga mga punto it andang ginatun-an. Ro andang mga drawing hay simple eang ag bukon man gid it komplikado. Ag nakabenepisyo man kara ro mga magueang nga matandaan ro andang ginatun-an.

Sa ing masunod nga pagtuon, pwede mong testingan nga i-drawing ing natun-an. Posibleng makibot ka nga mas abu eon ing matandaan!