Paano Mangin Masadya ro Pamilya?

ANO RO GINAHAMBAE IT BIBLIA

“Bulahan pa gid ro mga nagapamati ku bisaea it Dyos ag nagatuman kara!”—Lucas 11:28, Ro Bag-o nga Kasugtanan—Ku Baeaan nga Biblia.

ANO RAYA PARA KIMO

Makabatyag it tunay nga pagpalangga.—Efeso 5:28, 29.

Pakitaan it pagtahod.—Efeso 5:33.

Makabaton it kasiguraduhan.—Marcos 10:6-9.

MAPATIHAN GID BAEA NATON RO BIBLIA?

Huo, sa daywang ka rason:

• Ro pamilya hay gintukod it Dyos. Ro “kada panimaeay . . . nagabuoe it andang matuod nga ngaean” kay Jehova nga Dyos ag ruyon ro ginhambae it Biblia. (Efeso 3:14, 15) Ngani kung ham-an may una nga panimaeay o pamilya tungod si Jehova ro nagtukod kara. Ham-an importante ra?

  Isipa raya: Kung nakasamit ka it manami nga pagkaon, gusto mo masayran ro panakot kara, kanyo ka mangutana? Syempre, sa nag-eaha.

  Kapareho kara, para magsadya ro pamilya kinahang-ean nga masayran kung ano ro mga pagsueondan ni Jehova tungod imaw ro nagtukod it pamilya.—Genesis 2:18-24, NW.

• Gakabaeaka ro Dyos kimo. Kon ginapamatian it kada pamilya ro pagturo ni Jehova magaaeam gid sanda. Ham-an? “Ay nagakabaeaka imaw kinyo.” (1 Pedro 5:6, 7) Interisado gid si Jehova sa ginabatyag it imong tagipusuon—ag epektibo gid pirme ro anang eaygay!—Hulubaton 3:5, 6, NW; Isaias 48:17, 18, NW.