LEKSYON 55
Buligi ro Inyong Kongregasyon
Sa bilog nga kalibutan, minilyon nga tawo ro masadya nga nagasimba kay Jehova sa linibo nga kongregasyon. Nagapasaeamat sanda sa instruksyon ag giya nga andang nabaton, ag gusto nandang buligan ro kongregasyon sa abu nga paagi. Ruyon man baea ing ginabatyag sa inyong kongregasyon?
1. Ano ro pila sa mga paagi nga magamit mo ing oras ag kusog agud buligan ro kongregasyon?
Tanan kita hay makabulig sa kongregasyon. Halimbawa, may magueang baea o nagamasakit sa inyong kongregasyon? Mabuligan mo baea sanda nga maka-attend sa mga miting? O mabuligan mo baea sanda sa pagbakae it andang mga kinahang-eanon o paglimpyo sa andang baeay? (Basaha ro Santiago 1:27.) Makaboluntaryo man kita sa paglimpyo ag pagmentinar it atong Kingdom Hall. Owa kita ginapilita nga obrahon ra. Ro atong pagpalangga sa Dyos ag sa atong igmanghod hay nagapahueag katon nga ‘kinabubut-on nga ihaead ro atong sarili.’—Salmo 110:3.
Makabulig sa kongregasyon ro bautismado nga mga Saksi sa iba pa nga mga paagi. Halimbawa, ro kwalipikado sa espiritwal nga mga brother hay makabulig sa kongregasyon bilang ministeryal nga alagad o elder. Ro mga brother ag sister hay aktibo nga makasuporta sa pag-preaching bilang mga payunir. Ro iba mat-a hay nagabulig paagi sa pagpatindog it mga tieipunan sa pagsimba o pagsaylo sa mga kongregasyon nga nagakinahang-ean.
2. Paano naton magamit ro atong materyal nga mga bagay para buligan ro kongregasyon?
‘Padunggan naton si Jehova paagi sa atong importante nga pagkabutang.’ (Hulubaton 3:9) Nasadyahan kita nga mag-amot it kwarta ag iba pa nga pagkabutang agud buligan ro kongregasyon ag ro bilog kalibutan nga pagwali nga ueobrahon. (Basaha ro 2 Corinto 9:7.) Ro atong mga donasyon hay ginagamit man para sa mga naapektuhan it kalamidad. Pirmeng ‘nagapaeain it kwarta’ ro iba para makadonar. (Basaha ro 1 Corinto 16:2.) Makadonar kita paagi sa donation box sa atong tieipunan it pagsimba o online sa donate.jw.org. Ginataw-an kita ni Jehova it tsansa nga mapakita ro atong pagpalangga kana paagi sa paggamit it atong materyal nga mga bagay.
TUN-I PA GID
Tun-i ro pila sa mga paagi nga mabuligan mo ro kongregasyon.
3. Magamit naton ro atong materyal nga mga bagay
Palangga ni Jehova ag ni Jesus ro masadya nga nagatao. Halimbawa, nagdayaw gid si Jesus sa pobre nga baeo ag sa anang pagtinguha nga makatao it donasyon. Basaha ro Lucas 21:1-4, ag talakaya rayon rayang mga pangutana:
Kinahang-ean baea naton magtao it abung kwarta agud mapasadya si Jehova?
Ano ro ginabatyag ni Jehova ag ni Jesus kon kinabubut-on kita nga nagatao?
Agud masayran kon paano ginagamit ro atong mga donasyon, tan-awa ro VIDEO. Talakaya rayon rayang pangutana.
Paano ginagamit ro atong donasyon agud buligan ro kongregasyon sa bilog nga kalibutan?
4. Makatao kita it bulig
Ku panahon it Biblia, ro mga nagasimba kay Jehova hay mahugod nga nagamentinar sa andang tieipunan it pagsimba. Ngani bukon eang ra it basta pagtao it kwarta. Basaha ro 2 Cronica 34:9-11, ag talakaya rayon rayang pangutana:
Paano ginamentinar it kada Israelita ro baeay ni Jehova o ro tieipunan it pagsimba?
Agud makita kon paano ginasunod it mga Saksi ni Jehova ro halimbawa kato, tan-awa ro VIDEO. Talakaya rayon rayang mga pangutana.
Ham-an importante nga pirmeng malimpyo ag maayos ro atong Kingdom Hall?
Sa anong mga paagi ka makabulig?
5. Pwedeng i-goal it mga brother ro dugang nga mga pribilehiyo
Ginapalig-on it Biblia ro Cristyanong mga eaki nga obrahon ro tanan para buligan ro kongregasyon. Agud makita ro sangka halimbawa, tan-awa ro VIDEO. Sabta rayon rayang pangutana.
Sa video, ano ro gin-obra ni Ryan agud mabuligan it mayad ro kongregasyon?
Ginahambae it Biblia kon ano ro mga kwalipikasyon sa mga brother para mangin ministeryal nga alagad ag elder. Basaha ro 1 Timoteo 3:1-13, ag talakaya rayon rayang mga pangutana:
Ano ro dapat makita sa mga brother nga nagatinguha nga mangin ministeryal nga alagad ag elder?
Ano ro dapat makita sa andang pamilya?—Tan-awa ro bersikulo 4 ag 11.
Kon ginatinguhaan it brother nga maabot rayang mga kwalipikasyon, paano makabenepisyo ro tanan sa kongregasyon?
KON MAY MAGPANGUTANA: “Siin man gabuoe it kwarta ro mga Saksi ni Jehova para suportahan ro andang mga ueobrahon?”
Ano ing isabat?
SUMARYO
Ginaapresyar gid ni Jehova ro atong mga pagtinguha nga buligan ro kongregasyon paagi sa atong oras, kusog, ag materyal nga mga bagay.
Review
Paano naton magamit ro atong oras ag kusog agud buligan ro kongregasyon?
Paano naton magamit ro atong materyal nga mga bagay agud buligan ro kongregasyon?
Sa anong mga paagi gusto mong buligan ro kongregasyon?
SAYURA
Sayura kon ham-an owa eon ginapatuman ni Jehova sa mga nagasimba kana ro pagtao it pangnapueo.
“Ano ang Ginasiling sang Biblia Parte sa Paghatag sing Ikanapulo?” (Artikulo sa website)
Ginsambit sa Biblia ro responsibilidad it mga bautismadong eaki. Pero paalin kon kinahang-ean nga bayi ro magdumaea kara?
“Ang Awtoridad sang mga Gulang sa Kongregasyon” (Ang Lalantawan, Pebrero 2021)
Kilaeaha ro maisog nga mga Saksi nga nag-obra it mga sakripisyo para mahatod ro publikasyon sa andang isigka-tumoeuo.
Pagpanupod it mga Literatura nga Nabase sa Biblia sa Congo (4:25)
Sayura kon paano ginasuportahan ro atong mga ueobrahon nga eain gid sa ibang mga relihiyon.
“Paano Ginasuportahan ro Ueobrahon it mga Saksi ni Jehova?” (Artikulo sa website)