LEKSYON 59
Makaya Mo ro Paghingabot
Magaabot ro panahon nga ro tanan nga mga Cristyano hay kontrahon o hingabuton. Mahadlok baea kita kara?
1. Ham-an ginapaabot naton ro paghingabot?
Klaro nga ginhambae it Biblia: “Ro tanan nga gustong magkabuhi it dyosnon sa paghiusa kay Cristo Jesus pagahingabuton.” (2 Timoteo 3:12) Ginhingabot si Jesus tungod bukon imaw it parte ku kalibutan ni Satanas. Bukon man kita it parte ku kalibutan. Ngani indi eon kita makibot kon hingabuton man kita it gubyerno ag mga relihiyuso nga organisasyon.—Juan 15:18, 19.
2. Paano kita makahanda sa paghingabot?
Kinahang-ean naton nga pabakuron ro atong pagsalig kay Jehova makaron. Magpangamuyo pirme kana ag magbasa it anang Bisaea. Regular nga mag-attend sa mga miting it kongregasyon. Makatao ra kimo it kabakud agud maatubang it may kaisog ro paghingabot, maskin naghalin pa raya sa ing pamilya. Pirme man nga ginhingabot si apostol Pablo, ngani nagsueat imaw: “[Si Jehova] imaw ro akong manogbulig, owa ako it kahadlokan.”—Hebreo 13:6.
Mangin maisog kita kon pirme kita naga-preaching. Nagaturo ra katon nga magsalig kay Jehova ag maduea ro kahadlok sa tawo. (Hulubaton 29:25) Kon maisog ka nga naga-preaching makaron, mangin handa ka sa pag-preaching kon bawaean eon it gubyerno ro atong ueobrahon.—1 Tesalonica 2:2.
3. Ano ro benepisyo kon mabatas naton ro paghingabot?
Syempre, owa kita naila nga hingabuton, pero kon mabatas naton ro paghingabot magabakud pa gid ro atong pagtuo. Magaeapit pa gid kita kay Jehova tungod nabatyagan naton ro anang bulig sa panahon nga indi eon naton makaya. (Basaha ro Santiago 1:2-4.) Nasakitan si Jehova nga makita kita nga nagaantus, pero nasadyahan imaw kon padayon kita nga nagabatas. Nagahambae ro Biblia: “Kon ginabatas ninyo ro pag-antus bisan pa nga nakahimo kamo it mayad, pagabendisyunan kamo it Dyos tungod kara.” (1 Pedro 2:20) Kabuhi nga owa’t katapusan ro itao ni Jehova para sa mga matutom kana ag mabuhi sanda sa kalibutan nga owa eon it may gakontra sa matuod nga pagsimba.—Mateo 24:13.
TUN-I PA GID
Sayura kon ham-an pwede kita mangin matutom kay Jehova maskin may mga paghingabot ag kon ano nga mga pagpakamayad ro itao nana.
4. Mabatas mo ro pagkontra it ing pamilya
Sayod gid ni Jesus nga basi indi gusto it imong pamilya nga simbahon mo si Jehova. Basaha ro Mateo 10:34-36, ag talakaya rayon rayang pangutana:
Ano ro pwedeng matabo kon magdesisyon ro sangka myembro it pamilya nga mag-alagad kay Jehova?
Agud makita ro sangka halimbawa, tan-awa ro VIDEO, ag talakaya rayon rayang pangutana.
Ano ing obrahon kon punggan ka it imong pamilya o amigo nga mag-alagad kay Jehova?
Basaha ro Salmo 27:10 ag Marcos 10:29, 30. Pagkatapos basahon ro kada teksto, talakaya rayang pangutana:
Paano rayang promisa makabulig kimo agud mabatas ro pagkontra it ing pamilya o mga amigo?
5. Padayon nga simbaha si Jehova maskin may paghingabot
Kon ginapunggan kita it iba nga alagaron si Jehova, kinahang-ean naton it kaisog. Tan-awa ro VIDEO, ag talakaya rayon rayang pangutana.
Ano ro mga halimbawa sa rayang video nga makapabakud kimo?
Basaha ro Binuhatan 5:27-29 ag Hebreo 10:24, 25. Pagkatapos basahon ro kada teksto, talakaya rayang pangutana:
Ham-an importante nga padayon natong simbahon si Jehova maskin bawaean ro pag-preaching o ro mga miting?
6. Mabuligan kita ni Jehova nga makabatas
Ro mga Saksi ni Jehova nga may iba-ibang edad ag ginhalinan hay padayon nga nangin matutom sa pag-alagad kay Jehova maskin ginhingabot sanda. Agud makita kon ano ro nakabulig kanda, tan-awa ro VIDEO. Talakaya rayon rayang pangutana.
Sa video, ano ro nakabulig sa mga Saksi nga makabatas?
Basaha ro Roma 8:35, 37-39 ag Filipos 4:13. Pagkatapos basahon ro kada teksto, talakaya rayang pangutana:
Paano rayang teksto nagapasalig nga makaya mo ro mga paghingabot?
Basaha ro Mateo 5:10-12, ag talakaya rayon rayang pangutana:
Ham-an masadya ka gihapon maskin ginahingabot?
Minilyon nga mga Saksi ni Jehova ro nakabatas sa pagkontra. Maobra mo man ron!
KON MAY MAGHAMBAE: “Basi indi ko makaya kon hingabuton ako.”
Anong mga teksto ing gamiton agud palig-unon imaw?
SUMARYO
Importante gid kay Jehova ro atong pagtinguha nga alagaron imaw maskin may paghingabot. Paagi sa anang bulig, mabatas gid naton ra!
Review
Ham-an dapat paabuton it mga Cristyano ro paghingabot?
Ano ing pwedeng obrahon makaron agud mangin handa sa paghingabot?
Ano ro makabulig kimo nga mangin maisog sa pag-alagad kay Jehova maskin may paghingabot?
SAYURA
Tan-awa ro ginhambae it bataon nga brother kon paano imaw ginbuligan ni Jehova nga makabatas kat ginpriso imaw tungod sa neutralidad.
Sayura kon ano ro nakabulig sa mag-asawa nga padayon nga mangin matutom sa pag-alagad kay Jehova sa sueod it dinag-on maskin may pagkontra.
Tun-i kon paano makabatas it maisugon.
“Handai Na Subong ang Paghingabot” (Ang Lalantawan, Hulyo 2019)
Ano ro dapat nga pagtan-aw naton sa pagkontra it pamilya, ag paano naton masarangan ra?
“Ang Kamatuoran ‘Wala Nagadala sing Paghidait, Kundi sing Espada’” (Ang Lalantawan, Oktubre 2017)