Namati Sanda kay Satanas—Ano ro Resulta?

Owa nagtuman sa Dyos sanday Adan ag Eba, ngani sanda hay namatay. Genesis 3:6, 23

Namati si Eba sa sawa ag nagkaon ku bunga it kahoy. Ku ulihi, gintaw-an na man si Adan, ag nagkaon man imaw.

Ro andang gin-obra hay isaea gid ka saea, ngani ginpahalin sanda it Dyos sa paraiso nga andang gin-istaran.

Naglisod ro andang pagkabuhi pati ku andang mga inunga. Naggueang sanda ag namatay. Tungod owa it espiritu o ano man nga gaguwa sa eawas it tawo ag gaadto bisan siin, tapos eon ro andang pagkabuhi.

Ro patay hay pareho ku eapok nga owa it kabuhi. Genesis 3:19

Nagakamatay man kita tanan tungod mga inunga kita nanday Adan ag Eba. Ro patay hay indi kakita, kabati, o kaobra it maskin ano.—Manugwali 9:5, 10.

Bukon it katuyuan ni Jehova nga mamatay ro mga tawo. Sa indi magbuhay, banhawon eon nana ro mga nagakatueog sa kamatayon. Kon magpamati kana, mabuhi sanda it dayon.