Толынтынаҥ озо ташталган кинчектер

Улустыҥ кинчектери јӱк ле Иисустыҥ толынты тайылгазына тӧзӧлӧнип ташталар аргалу. А Иисус дезе толынтыны бойыныҥ канын тӧгӱп эткен (Эф. 1:7). Је Агару Бичикте Кудай «чыдамкай болуп, озогы ӧйлӧрдӧ эдилген кинчектерди таштаган» деп айдылат, ӧскӧртӧ айтса, Кудай кинчектерди Иисустыҥ јӱрӱми толынты этире берилердеҥ озо таштаган (Рим. 3:25, ЈТ). Андый болордо, Иегова Иисустаҥ озо јаткан улустыҥ кинчектерин таштаганыла, бойыныҥ справедливый нормаларын буспаган деп, нениҥ учун айдарга јараар?

Иегова «калдык» керегинде судурды айтканынаҥ ла бери толынтыны тӧлӧлип калган деп кӧрӧт (Баш. 3:15, ЈТ; 22:18). Кудай Уулын келер ӧйдӧ бойыныҥ јӱрӱмин тайылгага берер деп, бир де алаҥзыбаган (Гал. 4:4; Евр. 10:7—10). Иисус јерде јӱрерде улустыҥ кинчегин таштап туратан, нениҥ учун дезе оныҥ толынты тайылгага беретен јӱрӱми, ого бӱткен улустыҥ кинчектерин таштап салар деп билер болгон (Матф. 9:2—6).