የጥናት እትም

የጥናት ርዕሶቹ ዓላማ

የጥናት ርዕሶች 1, 2 ከገጽ 3-12

እነዚህ ርዕሶች ከትዳር ጋር በተያያዘ የይሖዋን ምክር ተግባራዊ ማድረግ አስፈላጊ የሆነበትን ምክንያት ያብራራሉ። እንዲሁም ከአምላክ ላገኘነው የጋብቻ ስጦታ ያለንን አድናቆት ከፍ ያደርጉልናል። በተጨማሪም ትዳራችንን ለመታደግ የምንችለውን ሁሉ ማድረጋችን አስፈላጊ የሆነበትን ምክንያት የሚገልጹልን ሲሆን የመጽሐፍ ቅዱስን ምክር ተግባራዊ ማድረጋችን በትዳራችን ደስተኛ እንድንሆን የሚረዳን እንዴት እንደሆነም ይጠቁሙናል።

የጥናት ርዕስ 3 ከገጽ 17-21

ይህ ርዕስ ይሖዋ የቀጠረውን ጊዜ በመጠበቅ ረገድ ተወዳዳሪ የሌለው አምላክ የሆነባቸውን መንገዶች ይጠቁመናል። እንዲሁም በይሖዋና በቃሉ ላይ ያለንን እምነት ያሳድግልናል። በተጨማሪም የይሖዋን ማዳን በምንጠባበቅበት በአሁኑ ጊዜ ጊዜያችንን በጥበብ ለመጠቀም ያደረግነውን ቁርጥ አቋም ያጠናክርልናል።

የጥናት ርዕስ 4 ከገጽ 23-27

ለይሖዋ ፍቅር ቢኖረንም እንኳ ፍጹማን አይደለንም። ያም ሆኖ የይሖዋን ክብር ማንጸባረቅ እንፈልጋለን። ይህን ማድረግ የምንችለው እንዴት እንደሆነ በዚህ ርዕስ ውስጥ እንማራለን። በተጨማሪም ይሖዋን ለመምሰልና እሱን ለማስደሰት ምን ማድረግ እንዳለብን ይጠቁመናል። (ኤፌ. 5:1) ከዚህም ሌላ የይሖዋን ክብር ማንጸባረቃችንን መቀጠል የምንችለው እንዴት እንደሆነ ያብራራል።