የጥናት እትም

የጥናት ርዕሶቹ ዓላማ

የጥናት ርዕሶች 1, 2 ከገጽ 7-18

ወደፊት በዓለማችን ላይ ስለሚከናወኑ ነገሮች ለማወቅ የሚያስችሉን የመጽሐፍ ቅዱስ ትንቢቶች የትኞቹ ናቸው? እነዚህ ሁለት ርዕሶች በ⁠ዳንኤል ምዕራፍ 2 ላይ ስለተጠቀሰው ግዙፉ ምስልና በራእይ ምዕራፍ 13 እና 17 ላይ ስለሚገኘው አውሬ ብሎም ስለ አውሬው ምስል የተነገሩትን ትንቢቶች ለመመርመር ይረዱናል። በመሆኑም መጽሐፍ ቅዱስ የወደፊቱን ጊዜ አስመልክቶ የሚሰጠውን ማብራሪያ እንድትመለከት ተጋብዘሃል።

የጥናት ርዕስ 3 ከገጽ 20-24

አንድ ክርስቲያን ራሱን ወስኖ ሲጠመቅ በሕይወቱ ውስጥ የአምላክን ፈቃድ ለማስቀደም ቃል ገብቷል። በጥንት ዘመን የነበሩ ታማኝ የይሖዋ አገልጋዮች ባደረጓቸው ውሳኔዎች ላይ ማሰላሰላችን ጊዜያችንን፣ ጉልበታችንንና ጥሪታችንን የምንጠቀምበትን መንገድ እንድንመረምር ያነሳሳናል።

የጥናት ርዕስ 4 ከገጽ 25-29

ይህ ርዕስ ነቢያትና የመጽሐፍ ቅዱስ ጸሐፊዎች ‘በመንፈስ ቅዱስ የተመሩት’ እንዴት እንደሆነ ጥሩ ግንዛቤ ይሰጠናል፤ እንዲሁም መጽሐፍ ቅዱስ መለኮታዊ ምንጭ እንዳለው እርግጠኛ የምንሆንበትን ምክንያት ይጠቁማል። (2 ጴጥ. 1:21) በተጨማሪም ለመጽሐፍ ቅዱስ ያለን አድናቆት እንዳይቀዘቅዝ ማድረግ የምንችለው እንዴት እንደሆነ ያብራራል።