የጥናት እትም

ኢየሱስ ከሞት እንደተነሳና በአሁኑ ጊዜ ሕያው እንደሆነ እርግጠኞች መሆን የምንችለው እንዴት ነው? በተጨማሪም ይህ ርዕስ ክርስቶስ ከሞት ተነስቶ በሰማይ የማይጠፋ ሕይወት ማግኘቱ በእኛም ሆነ የመንግሥቱ አዋጅ ነጋሪዎች በመሆን በምናከናውነው እንቅስቃሴ ላይ ምን በጎ ተጽዕኖ እንደሚኖረው ያብራራል።

በዋነኝነት በዘሌዋውያን መጽሐፍ ላይ የተመሠረቱት እነዚህ ርዕሶች ይሖዋ ሕዝቡ ቅዱስ እንዲሆን የሚፈልገው ለምን እንደሆነና ይህን ባሕርይ ማሳየት የምንችለው እንዴት እንደሆነ ያብራራሉ። በተጨማሪም በምግባራችን ሁሉ ቅዱስ መሆን የምንችልባቸው መንገዶች ተጠቅሰዋል።

መጽሐፍ ቅዱስ የምናስጠናቸው አንዳንድ ሰዎች ይሖዋ በምድር ላይ አንድ ድርጅት ብቻ እንዳለው ማመን ይከብዳቸዋል። አንድ ሰው በየትኛውም ሃይማኖት ውስጥ ቢሆን ቅን ልቦና እስካለው ድረስ አምላክ እንደሚቀበለው ይሰማቸዋል። እነዚህ ርዕሶች የይሖዋን ሕዝቦች ማወቅና ከእነሱ ጋር ሆኖ ይሖዋን ማገልገል አስፈላጊ የሆነው ለምን እንደሆነ ያብራራሉ።