የጥናት እትም

ባሉን በረከቶች ላይ ማሰላሰልና ለእነዚህ በረከቶች ይሖዋን ማመስገን፣ የአመስጋኝነት መንፈስ ለማዳበር ብሎም ምንጊዜም አመስጋኝ ለመሆን ይረዳናል። ይህ መንፈስ፣ አመስጋኝ ያለመሆን ዝንባሌን ለማስወገድና ከባድ ፈተናዎችን ለመቋቋም ያስችለናል። የ2015 የዓመት ጥቅሳችን ዓመቱን ሙሉ ይህንን እንድናስታውስ ይረዳናል።

ይህ ርዕስ የኢየሱስን ሞት የምናከብረው ለምን እንደሆነ ያብራራል። በመታሰቢያው በዓል ላይ የሚቀርቡት ቂጣና የወይን ጠጅ ምን እንደሚያመለክቱ እንዲሁም አንድ ሰው ከቂጣውና ከወይን ጠጁ መካፈል ይገባው እንደሆነና እንዳልሆነ እንዴት ማወቅ እንደሚችል ይገልጻል። ከዚህም በተጨማሪ ይህ ጥናት፣ በግለሰብ ደረጃ ለጌታ ራት መዘጋጀት የምንችለው እንዴት እንደሆነ ያስገነዝበናል።

ባለትዳሮች ከጊዜ ወደ ጊዜ እየጨመሩ የሚሄዱ ተጽዕኖዎችና ፈተናዎች ያጋጥሟቸዋል። ያም ቢሆን በይሖዋ እርዳታ ትዳራቸው ጠንካራና አስደሳች እንዲሆን ማድረግ ይችላሉ። በመጀመሪያው የጥናት ርዕስ ላይ፣ ቤት ለመገንባት እንደሚያገለግለው ጡብ ትዳርን ጠንካራና ዘላቂ ለማድረግ የሚረዱ አምስት ነገሮችን እንዲሁም ጡቦቹ በምን እንደሚያያዙ እንመለከታለን። በሁለተኛው የጥናት ርዕስ ላይ ደግሞ ባልና ሚስት የሥነ ምግባር አቋማቸውን መጠበቅ የሚችሉት እንዴት እንደሆነ እናያለን።

በአንድ ወንድና በአንዲት ሴት መካከል የሚኖረው እውነተኛ ፍቅር ምን ይመስላል? የማይከስም ፍቅር ሊኖር ይችላል? እንዲህ ያለው ፍቅር የሚገለጸው እንዴት ነው? የማይከስም ፍቅርን በተመለከተ ከማሕልየ መሓልይ መጽሐፍ ምን መማር እንደምንችል እንመለከታለን።