የርዕስ ማውጫ

እውቀት በተግባር ካልዋለ ምንም ጥቅም የለውም። ይሁንና የተማርነውን ነገር ተግባራዊ ማድረግ ትሕትና ይጠይቃል። ይህ ርዕስ ለሁሉም ዓይነት ሰዎች የሰበኩ፣ ለሌሎች የጸለዩ እንዲሁም ይሖዋን በትዕግሥት የጠበቁ የመጽሐፍ ቅዱስ ምሳሌዎችን አርዓያ እንድንከተል ያበረታታናል፤ ይህን ማድረጋችን ትሕትናን ለማዳበር ይረዳናል።

በእነዚህ አስቸጋሪ ቀናት ሰዎች በቀላሉ ተስፋ ይቆርጣሉ፤ እንዲሁም በሕይወታቸው ውስጥ የሚያጋጥሟቸው ነገሮች ከአቅማቸው በላይ እንደሆኑ ሊሰማቸው ይችላል። በእርግጥ ይሖዋና ኢየሱስ ችግሮችን ለመቋቋም ኃይል ይሰጡናል። ያም ቢሆን አንዳችን ሌላውን የማጽናናትና የማበረታታት ኃላፊነት አለብን። ይህ ርዕስ ፍቅር በማሳየት ሌሎችን ማነጽ የምንችለው እንዴት እንደሆነ ያብራራል።

ይሖዋ ደስተኛ አምላክ ነው፤ አገልጋዮቹም ደስተኞች እንዲሆኑ ይፈልጋል። ይሁን እንጂ ፈተናዎችና ችግሮች ባሉበት የሰይጣን ዓለም ውስጥ እየኖርን ደስተኛ መሆን የምንችለው እንዴት ነው? ኢየሱስ በተራራ ስብከቱ ላይ፣ ዘላቂ ደስታ ለማግኘት የሚረዳ ጠቃሚ ምክር ሰጥቷል።

በዓለማችን ላይ ራስ ወዳድ የሆኑ ሰዎች ከጊዜ ወደ ጊዜ እየበዙ መጥተዋል፤ የክርስቲያን ጉባኤ አባላት ግን በመካከላቸው ባለው ፍቅር ተለይተው ይታወቃሉ። ይህ ፍቅር ከሚገለጽባቸው መንገዶች አንዱ ለሌሎች አሳቢነት ማሳየት ነው፤ እነዚህ ሁለት የጥናት ርዕሶች የሚያወሱት ስለዚህ ጉዳይ ነው። የመጀመሪያው ርዕስ፣ ይሖዋ ለሌሎች አሳቢነት በማሳየት ረገድ የተወልንን ግሩም ምሳሌ ያብራራል። በሁለተኛው ርዕስ ላይ ደግሞ የይሖዋን ምሳሌ መከተል የምንችልባቸውን አንዳንድ መንገዶች እንመለከታለን።