ለመታሰቢያው በዓል ሰሞን ግብ አውጡ

የይሖዋ ሕዝቦች በየዓመቱ የመታሰቢያውን በዓል አብረው ለማክበር ይጓጓሉ። ከመታሰቢያው በዓል በፊትና በኋላ ባሉት ሳምንታት ይሖዋ ለሰጠን የቤዛ ስጦታ ያለንን አመስጋኝነት ለመግለጽ የሚያስችል ልዩ አጋጣሚ እናገኛለን። (ኤፌ 1:3, 7) ለምሳሌ ሌሎች በመታሰቢያው በዓል ላይ እንዲገኙ ለመጋበዝ የምንችለውን ሁሉ እናደርጋለን። አንዳንዶች በፕሮግራማቸው ላይ ማስተካከያ በማድረግ በመጋቢትና በሚያዝያ ወራት በ30 ወይም በ50 ሰዓት ግብ ረዳት አቅኚ ሆነው ያገለግላሉ። እናንተስ በመታሰቢያው በዓል ሰሞን በአገልግሎት የምታደርጉትን ተሳትፎ ከፍ ማድረግ ትፈልጋላችሁ? ታዲያ ይህን ለማድረግ ምን ይረዳችኋል?

አብዛኛውን ጊዜ፣ አስቀድመን ዕቅድ ማውጣታችን ስኬታማ ለመሆን ይረዳናል። (ምሳሌ 21:5) የመታሰቢያው በዓል የሚከበርበት ወቅት እየቀረበ ስለሆነ ዕቅድ ማውጣት ያለብን አሁን ነው። በመታሰቢያው በዓል ሰሞን አገልግሎታችሁን እንዴት እንደምታሰፉ አሰላስሉ፤ ከዚያም ግባችሁ ላይ ለመድረስ ምን ማድረግ እንደምትችሉ አስቡ። ቀጥሎም ይሖዋ ጥረታችሁን እንዲባርክላችሁ ጸልዩ።—1ዮሐ 5:14, 15

በመታሰቢያው በዓል ሰሞን አገልግሎታችሁን ማስፋት የምትችሉባቸው አንዳንድ መንገዶች የትኞቹ ናቸው?