ONYAN̄ ONAAN̄GE 29–AKỌP ONYAN̄ 5
OGWU ETIP 3-4
Okwa Eyi 93 mè Uriaak | Usem Ebesa Ibene (Nkikek mgbọ 1)
Ikigọọk ge ge irọ mkpọ, mè ikitaba lek iriaak me lek Jioba
1. Irọ Inyi Mbat-Olom Kinyi Inye
(Nkikek mgbọ 10)
Ikisan̄a mgbọ isibi ikisa iriọọn̄ ubọk igọọk ge ge ikpa usem (Etip 3:1; ijwhf ibot eyi 10 ¶2-8)
Ikigbaan̄ mkpọ irọ (Etip 4:9; w23.05 23-24 ¶12-14)
Ikaan̄ mgbaan̄je onyenye melek Jioba (Etip 4:12; w23.05 21 ¶3)
DO LEK KWUN̄ IBE, ‘Kpasi mgbaan̄ ke ikekikup ida ibọkọ me lek nwa n̄a mè iyaka ire nlom n̄a me ujọnọ mgbọ, kubọk ikekisi isi iwọ efuuk emi gaalek mè iyaka ire ikekikọp uran owuwa mgbọ mije ikwaan̄ obokọt ikaan̄ me lek mbat-olom n̄a ni?’
2. Week Inu Unye Otu Ewe Okup Me Usem Awaji
(Nkikek mgbọ 10)
Etip 3:8—Kpa mgbọ ikare “mgbọ imama”? (it “Love” ¶39)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Etip 4:1-16 (th inu nkween̄ 2)
4. Ibebene Ukpatu
(Nkikek mgbọ 3) INANAN̄A ME UWU IRE UWU. Sa Watchtower No. 1 2025 sa bene ukpatu. Nwene inu obotumu me mgbọ ene ya ojeen̄be ulọk me lek ofifi ibot usem. (lmd inu nkween̄ 2 agba eyi 5)
5. Igọgọọk Ulọk
(Nkikek mgbọ 4) ME MGBỌ OKASIBIBE UKO. Tumu mkpọ ofolek nkween̄mkpọ Baibul nyi ogwu obọbọkọ Watchtower No. 1 2025. (lmd inu nkween̄ 9 agba eyi 4)
6. Usem
(Nkikek mgbọ 5) lmd inu etapbe isọkọ A agba eyi 12—Ibot Usem: Awaji Ikakigobo Ene Isi. (th inu nkween̄ 19)
Okwa Eyi 131
7. Toon̄-Ejit Me Lek Ntọ-Ubọk Jioba Mgbọ Geelek Osikaan̄ Ufialek Me Mbat-Olom
(Nkikek mgbọ 15) Igbaan̄ ikpa.
Jioba inyi olom mè nwa ebi eyi Karais otutuuk inu ema eweekbe isasa ikaan̄ ubelejit me mbat-olom kiban̄. Ire, usini mgbọ, olom mè nwa mikikaan̄ ufialek me mbat-olom (1 Kọr 7:28) Me ire kpeneen̄ isun̄, ufialek cha mokọt ikirọ ibe ema ekayaka ikikaan̄ ubelejit, ire lek ema mekọt ibene ikikeek ibe ke mbat-olom kiban̄ ikpobokọt iyaka ikije inyi isi. Keke ke oborọ me ire okikaan̄ mbet lek ufialek chi me mbat-olom kwun̄?
Me emen drama Keke Ore Ota Ima? Mijeen̄ olom mè nwa ijija ge ikikaan̄ ikpele ufialek me mbat-olom kiban̄. Ire okeek nteme ute ya onyibe gwun̄ kan̄ enenwaan̄ me mgbọ iborọ ntumu-mfieek me ikakeek inu Jioba oweekbe ọmọ me ubọk ni?
Fit FIDIO yi Keke Ore Ata Ima?—Okpọkọ Melek. Mè do ebi ikigban̄ ibe:
Keke orọ eji ebeyaka lek imaan̄ me lek ntọ-ubọk Jioba mgbọ geelek eji esikaan̄ ufialek me mbat-olom kiji?—Asaya 48:17; Mat 19:6
Ire okikaan̄ ikpele ufialek me mbat-olom kwun̄, kweek riaak lek Jioba sa me ikekiriaak uriaak, ikisi nkween̄mkpọ ntitiin̄, ikikween̄ Baibul mè ikisibi uko. Tap efuuk isasa ineen̄ ufialek ya isun̄ sa me itatap onineen̄ Baibul me ikwaan̄, mè sa me ikekiwọlọ ikpa ntitiin̄ echi obotap ubọk inyi owu okomun̄ irek ya ike Jioba okimun̄. Sa me ikekirọ otutuuk inu chi, okijeen̄ Jioba ibe ke oweek ntap-ubọk kan̄.—Urọk 10:22; Asaya 41:10.
Fit FIDIO yi Kachieek Ibe Ataak Esuuk Ifiaan̄ Owu!—Darrel mè Debora Freisinger. Mè do ebi ikigban̄ ibe:
Keke ke ukpatu Gwun̄ Ute Enerieen̄ mè Gwun̄ Ute Enenwaan̄ Freisinger ojeen̄ owu ofolek ineneen̄ ikpele ufialek me mbat-olom isun̄?
8. Nkween̄mkpọ Baibul Eyi Ntitiin̄
(Nkikek mgbọ 30) lfb inu nkween̄ 22 ibebene okpọkọ 5 mè inu nkween̄ 23