OKPỌKỌ 4

Ema Egban̄be Otu Kè Setan—Isan̄a Keke Isibi?

Adam me Îfu kpesiki ibot inyi Awaji eya orọ ema ekwube. Ibebene 3:6, 23

Îfu irie mfut uti ebe me ekarie ya mè inyi Adam

Îfu igban̄ utọn̄ melek ulu ya mè irie mfut ya. Mgburudun̄, ineninyi Adam mfut ya, irerie.

Inu ema erọbe îlọ, ire ijo inu. Awaji irieen̄ ema isibi me Paradais.

Ugwem iyọt ema melek mè nsabọn kiban̄. Ema mikan mè ikwaan̄. Ema kpefo ama ekwukwu; kpeyaka iluk ugwem me ere geege.

Ike nfuun̄ ikakiluk ugwem, ikeyasi ke ebi ikwukwu kpekiluk ugwem. Ibebene 3:19

Ebi ene me esese esese ubọk iluk ugwem me esese esese mgbọ

Eji ekikwaan̄ mije otutuuk kiji enan̄a melek Adam mè Îfu. Ebi ikwukwu kpekikọt imọọn̄ inu, inọ ikọ me iyaka ire irọ inu geege.—Ogwu Etip 9:5, 10.

Gwun̄ enenwaan̄ ge okwu ebi uwu kiban̄ ekekifieek ejit

Ikare nkeek Jioba ibe ebilene ekekwu. Îsik sọntiik mgbọ Awaji mobosa ebi ikwukwu inu me ugwem. Ire ema egban̄ utọn̄ melek kan̄, ema meluk ire mgbọ geelek.