Proverbios
14 Tati quim domo deumafi reque quisu ñi ruca, huelu tati quimchengenolu teifücafi reque quisu ñi ruca. 2 Tati miyaulu nor dungu mu rume yamquefi ta Jehová, huelu tati miyaulu norngenochi rüpü mu illamquefi Chau Dios. 7 Püntütripalenge tati huedhued huentru mu, fei tañi hun mu pelayaimi ta quimün. 10 Tati piuque quimniei tunte ñi hueñancüduamcülen, ca inei no rume coneltulayafui quisu ñi ayühun mu. 12 Mülei quiñe rüpü norngelu ñi troquiquefiel quiñe huentru, huelu yequeyu ñi layal müten. 15 Ti quimchengenolu feyentuquei com ñi feipingeel, huelu ti adümuhun-ngelu cüme raquiduamquei tañi chem chumal. 16 Tati quimche cuñiutucuuquei ca quiñepülecünuuquei ti huesaque dungu mu, huelu tati huedhuedngelu cuñiutucuuquelai ca checahun-ngei. 20 Tati pofre huentru üdequeyu tañi pu carucatu cütu, huelu fentren che hueniyequefi tati ricungelu. 23 Fillque cüdau ñi nehuentun meu femqueel pu che cümelcangequei, huelu nütramcamequele müten fillalerpuafui. 30 Ñochi piuquengele ti che, tañi cuerpo nieai mongen, huelu ti ütriruhun funañmayayu ñi foro.