Proverbios

15 Tati huiñoldungulu tüngcülen mu, quiñepülecünuquei ti illcun, huelu tati nehuentu dungulu illcuduamelchequei. 3 Jehová tañi adquintun huall püle puuquei, fei peniefi tati pu huesañma ca tati pu cümeque che. 4 Tati ñochi dungun, quiñe anümca reque felei hulquelu mongen, huelu tati malisiaelchi dungun huesaduamelquei. 8 Jehová üdequefi ñi chalintuculeteu chem rume tati huesaque che, huelu ayühunquechi llouquefi tañi ngillatueteu pu nor piuquengelu. 9 Chau Jehová üdequefi ñi rüpü tati huesaque che, huelu piuqueyeniefi tati yafüluulu ñi femal nor dungu. 11 Tati Rüngan ca cheu tañi funapeyüm ti pu la pengeli Jehová tañi adquiñ mu. ¡Doyelchi mai pu che ñi piuque! 15 Tati cutrancaucülelu com ñi antü huesalcalerpuquei, huelu tati nielu ayüucülechi piuque, rumel niequei quiñe fütra ilelcahun. 17 Mülele piuqueyehun, quiñe rali napor corü doi cümei quiñe motrin cullin mu cheu ñi mülen üdehun 18 Quiñe huentru lladcüfemquelu quehualcachequei, huelu tati ñochi duamngelu tüngduamelquefi pu quehuamequelu. 22 Quiñe che ramtuquenolu, huesa tripaquei ñi pepicacünuel, huelu cüme tripaquei mülen mu fentren ngülamtufe. 23 Quiñe huentru ñi cüme huiñoldunguqueel ayüucülequei, ca quiñe dungun feipingelu puuchi antü meu, ¡müna cüme dungu tati! 28 Petu ñi huiñoldungunon, ti nor chengelu ñi piuque cüme raquiduamquei chem ñi feipial, huelu tati huesañmangelu ñi hun entuquei itrofill huesaque dungu. 30 Huilüfcülechi nge ayüumapiuquelchequei; ñi nütramcangeel quiñe cüme dungu yafültucuyequefi ti foro. 31 Tati allcütuquelu ti norümtun hulquelu mongen rangiñ pu quimche mu mülei. 32 Inei rume cüpa llounolu ñi ngülamtungeal tüfa illamcaquefi ñi mongen, huelu tati allcütuquelu ñi norümngeal, tüfa nierpuquei adümuhun. 33 Tati rume yamquefilu ta Jehová quimeltueyu ñi quimchengerpual, ca tati ñom piuquengelu püramyengequei.