Proverbios

2 Quiñe che nienolu quimün, huesacünuquei. Cafei quiñe che raquiduamquenolu petu ñi femnon quiñe dungu, culpaconquei. 3 Quiñe huentru ñi huedhuedngen mu, huelulcai ñi rüpü, ca tañi piuque rume lladcütuniefi ta Jehová. 4 Pu ricungelu fentren hueni nieingün, huelu ti huentru pofrengelu tañi hueni cütu quisucünuayu. 6 Fentren che ayüquei ñi tuteafiel ti ricu che, ca com pu che hueniyefi tati huentru hulquelu yehun (regalo). 7 Ti huentru pofrengelu com tañi pu peñi üdeeyu, ¡doi mai famentueyu tañi pu hueni! Ti pofrelechi che ngillatuyahulquefi engün, huelu inei no rume huiñoldungulaeyu. 8 Inei rume quimürpulu ñi adümuhual, tüfa quisutu piuqueyehui. Inei rume falintuniefilu ñi quim ngüneduamal, tüfa cüme triparpuai. 11 Quiñe che quim ngüneduamlu ngünenieuquei tañi illcufemnoal, ca rume cümelcaquei rulpacünufilu am ñi huesalcangeel. 17 Tati fürenequefilu pu ñom che arelelquefi ta Jehová, ca Quisu culliñmayayu tañi femquen. 18 Petu pepilfalngele, norümtufinge tami yall, fei tami culpaconnoal quisu ñi lan mu. 20 Allcütunge tati ngülam ca llounge tami norümaeteu, femngechi tami quimchengerpual cüpalechi antü mu. 21 Tañi piuque mu, quiñe che ayünieafui ñi femal fillque dungu, huelu Jehová ñi ayünieel femtripayai llemai. 22 Doi ayüfalngei quiñe huentru mu ñi nor piuquengeal. Ca doi falin-ngei pofre chengeal ñi coilatufe chengeal.