Proverbios
18 Tati quisutu püntütripalu quintuquei quisutu cümelcahual müten; fei famentuquefi com cümeque quimün. 10 Jehová ñi üi quiñe nehuen-ngechi ellcaupeyüm reque felei. Üye mu lefmauquei tati norngechi che, fei cuñiutucungequei. 11 Tati ricu quiñe huaria nielu alüpüralechi cura malal reque troquiquefi tañi plata. Tañi raquiduam mu, quiñe cura malal tañi cuñiutucuaeteu reque troquiquefi. 13 Quiñe che lloudungulu petu ñi allcütunon quiñe dungu, fei tüfa huedhuedcan tati ca yehuen-ngei ñi femün. 17 Hune feipilu tañi dungu quiñe juicio meu rüfngelu troquifali ñi feipin aculu hula cangelu che ñi ramtucayaeteu. 21 Taiñ quehun hulafui ta mongen ca lan dungu, tati rume dunguquelu chem tañi feipin mu femngechi huiñolelngetuai. 24 Quiñeque huenihuen eluuquei tañi hueluconque huesalcahual, huelu mülei ti huenihuen doi piuqueyeuquei tati pu peñihuen mu.